المملكة سلمان وسلمان احتزم
بقلم الأستاذ / نهار ناصر السهلي*
عبدالعزيز بمعترك نار وحمم ..
رغم الصغر واقف على ساق وقدم ..
متوجه لربه مزاهيبه قيم ..
متقدم بهمه تعديه الطريق .
الين وردها على قصر الرياض ..
وبرق انتصاره في سما الافراح ناض ..
وتحيزم لباقي مرابعها العراض ..
حتى توالت له الى البيت العتيق
وتتابعوها اللي مواقفهم كبار ..
وسارو بها من انتصار الى انتصار ..
ورقوا بها من ازدهار الى ازدهار ..
واللي يعاديها الى واد ٍ سحيق .
المملكة دار الظفر دار العزم ..
المملكة دار السطر دار الحزم ..
المملكة سلمان وسلمان احتزم ..
المملكة حنا مع قمة طويق
محمد اللي ماتوانا ماتعب ..
محمد اللي همته فوق السحب ..
محمد الوقفات والرقم الصعب ..
متنفجل الازمات ف الظرف الدقيق