[poem=font=”Simplified Arabic,4,black,normal,normal” bkcolor=”” bkimage=”” border=”none,4,gray” type=2 line=200% align=center use=ex length=0 char=”” num=”0,black” filter=””]
جرى البحث وُبلوتـوث ياصاحـب الجـوال=يجيـب وُيـودي والمواقـف .. (ا)بحزتهـا
خذيت وُعطيـت وطابـت النفـس ياهـذال=تجـارب ونفسـي ماتهـاون .. (ا)بعزتهـا
سلامي على اللي مالهـا جـاري الأرسـال=ولا البحـث والتخزيـن والحفـظ خبرتهـا
ولا القائمه والضغـط نجمـه وُفتـح اقفـال=ولاكــل مجمـوعـة تفـنـن بنغمتـهـا
ولاشيّكتْ .. دقـه ودقـه .. تبـي تحتـال=بطاقـة سـوى حتـى تعبـي شريحتـهـا
ولاعسعست في باص الاجره اقفـاي اقبـال=لياعـودة كـل(ن) .. بثـرهـا وساقتـهـا
ولاكـل صالـة حفـل تذكـر مـع الأزوال=ولاوصفـو .. صبحيّـة الحفـل رقصتـهـا
ولاحطت الكُورنيش عقـب العصـر مدهـال=وهنود المطاعم ماعرفـوا .. بـاب شقتهـا
ولاهي من اللـي تلتفـت لحظـة المدخـال=علـى أكتافهـا ماطـاح طـارف عبايتهـا
ولاهي من اللي لو حشيمه في حـال وُحـال=ليا .. مر .. سواق الشبـح هـز حشمتهـا
ولازودت من فوق حد الجفـون .. (ا)ظـلال=ولالـونـت عـنـد الكوافـيـر بشرتـهـا
ولاصادقـت بالجامعـه مشغـلات الـبـال=ولا أستار أكاديمي تعرضـه .. (ا)بغرفتهـا
ولاوضحت قصة سهرها .. شعر .. وامثـال=خرابيـش تدمـر كتبهـا فــي كتابتـهـا
ولافرطت .. بلسانها .. هـرج قيـل وقـال=وراها خراب .. (ا)بيـوت وافـراق سبتهـا
ابوهـا يـدوّر سترهـا .. ماطمـع بالمـال=يقلـل مهرهـا مايتاجـر .. (ا)بضفقتـهـا
ابوهـا عقيـد القـوم والأم بنـت رجــال=على طاعـة الله مـن صغـر يـوم ربتهـا
واخوها سنافي قـرم .. مايشبـه التمثـال=عيونـه وراهـا دونهـا لجـل سمعتـهـا
ولاترتخـي يمنـاه فـي صبـة الفنـجـال=يصـون الـدلال الصفـر ويجيـد صبتهـا
كريـم وُشجـاع وُسيرتـه سيـرة الأبطـال=دروب(ن) .. تهينـه مايقـرب .. إلّْحفْتهـا
وهي حبها بالقلب .. كان .. وبعد .. مـازال=زرع ربـي المعـبـود فيـنـي محبتـهـا
عفيفه .. جميله .. تعجز (ا)بوصفها الاقوال=اصيلـه عريبـة سـاس مصـدر قبيلتهـا
أهذري .. بها .. واسبابها راح راح الحـال=مفاتيـح روحـي عندهـا .. واستحلتـهـا
أمر المكان .. اللي وجـوده مـن الترحـال=مداهيل .. كـان وكـان .. وايـام شوفتهـا
أحاول اخفي مير دمعي .. ليا .. مـن سـال=يجـدد لـي الأحـزان .. وتميـل كفتـهـا
وتمر السنيـن ويطلـع هـلال بعـد هـلال=من المستحيـل تعـود والصعـب رجعتهـا
تعرفون ليه ؟ .. أقول ترجع علي .. (ا)محال=لأن التـراب اليـوم مـن فـوق جثتـهـا
[/poem]