هذه القصيده المتواضعه.مسندها للشاعر والأخ العزيز/مفرح بن عبدالله العفري الشملاني العنزي
وعسى أن تنال أعجاب ورضاء من أكمل قرأتها.
[poem=font=”Simplified Arabic,4,black,normal,normal” bkcolor=”” bkimage=”” border=”none,4,gray” type=2 line=200% align=center use=ex length=0 char=”” num=”0,black” filter=””]
ياراكب(ن)من فوق أبيـض غمـاره=جمس(ن)جديد وُنازح البعد يطويـه
لازاد ريسه قـام ينسـف أغبـاره=خلف الرفارف كن صوتـه يباريـه
ملفاه قرم(ن)شـب للضيـف نـاره=مفرح اللي عانـي البعـد ناصيـه
له مجلس(ن)يجمع قريبـه وجـاره=هـذا يرحـبّـه وهــذا يحيـيّـه
وفجال(ن)أشقر(كيف)جهـز أبهـاره=هـذا جهـز تـوُه وهـذا يسويـه
وكم(ن)قعود(ن)فيـه قلـط فـقـاره=وحيل(ن)مخولف روسها في صوانيه
والعـود الازرق مايْوُنّـي بخـاره=من شجرة(ن)بالهند ماضمت سواقيه
نمر(ن)تسلسل مع مسيـر النمـاره=وذكره مـع كـل النشامـا معليـه
والطيب ساس وزاهي(ن)في شعـاره=هبه من الله يعشق الطيـب راعيـه
له بالمراجـل أحتـراف وُشطـاره=واصغر عياله بالمراجـل مضريـه
وله شايب(ن)قفـى وباقـي ذكـاره=من مات راح وفعل يمنـاه يّْحيّيّـه
وله لابة(ن)تضفي عليهـا الامـاره=من حد الأردن لين نجـد وُشماليـه
للجـار ريـف وللمعـادي شـراره=كل(ن)عرف ساجر وُفعله وُماضيـه
قبـل الثلاثـي والسـواري مهـاره=ورمح(ن)على أول رميتـه مايثنيـه
كـم فارس(ن)لاقـاه يتـم صغـاره=ماعاد عوُّد يـذرف الدمـع غاليـه
وفرسان وايل ربحهـم كـل غـاره=تاريخهم كـل القبايـل حكـت فيـه
ويابوفهـد فكـري تـوجـه رداره=يمـك وغيـرك مافهمنـاه نشكيـه
أنـا غريـب وُمعرفتكـم تـجـاره=بيحت لك شي(ن)عن الناس مخفيـه
هرج(ن)صحيح ولاتحسبـه قمـاره=الوقـت الأقشـر عذبتنـي بلاويـه
الصدر ضايق شـرق نيـران واره=ومن البطاء قامت تدكـه طواريـه
هم(ن)يميـن وهم(ن)أخـر يسـاره=في ساحل (الخفجي) حياتي غدت تيه
أفطر سيجـاره واتعشـى سيجـاره=والزاد والمشـروب مانـي أباغيـه
أنـوح والّْعـي والدمـوع بغـزاره=دمع(ن)يصبحنـي ودمع(ن)أمسيـه
والليـل يامفـرح يشابـه نـهـاره=سهر وعنا وارهاق وافـراق لاقيـه
مستوصف (الأهلى) عطاني قـراره=واجرى فحوصاته بذلـىّ مساعيـه
وقدم لـي الدكتـور كـل أعتـذاره=قال انـت حالـك عندنـا مانداويـه
وعمـار قلبـي يامفـرح دمــاره=وانت المجرب لاتناشـد بهـا ليـه
صار الخطا والصح نفـس العبـاره=واول شبابـي كنـي اعيـش تاليـه
من جرف يامفرح أليـا راس قـاره=وروس الشواهق مثل حالي تصحيه
والرجـم دايـم ذبتـه وانـحـداره=قلب المولـع لاصعـد بـه يسليـه
وتراك قبلي ذقـت كـاس المـراره=كم راس مرقاب(ن)مضى لك أتعديه
وانا الـذي شفق(ن)لشوفـة ديـاره=لكـن دوامـه عاقـبـه مايخلـيـه
شـفـي وُدي أتـوجـه زيــاره=أبطيت ماجيت الجبيـل وُضواحيـه
واللي جبرني فيه ناقـض أجمـاره=أبوجديل(ن)فـوق الامتـان كاسيـه
ريم(ن)على أول شبتـه وازدهـاره=مغنيه ربي من حلا الزيـن مغنيـه
العام حولـي فـي هذيـك الزبـاره=بدو(ن)تقيـم وذودهـم فـي مفاليـه
وام الحويّْرماتـفـارق أحـــواره=واليوم عني نـازح البعـد حاديـه
أشفق على شوفه واسـوق البشـاره=وبين اربع الجدران وقتـه يقضيـه
وذيـك الفيافـي بدلوهـا بـحـاره=واللي يبي حوله من السوق يشريـه
عقب المخومـس سكنـوه بعمـاره=وسـواق بالخدمـه يجيبـه يوديـه
وخلف النوافـذ سخرفولـه أستـاره=والسقف له عازل عن الشمس يحميه
ومكيف(ن)زايـد بـراد وُحــراره=نسى سموم الصيف لاهـب صاليـه
وخالف مسـاري يامفـرح مسـاره=وعسى شوير(ن)شار تفنا حسانيـه
حتى ولـو عنـدي عليهـا أقـداره=ماقبل على نفسي أعتاب ومشاريـه
لومرني صدفـه علـى بـاب داره=في ذمتـي مالـد عينـي وحاكيـه
ماني من اللي يحفـرون الجحـاره=سود الوجيه اللي أليا غـاب واليـه
وانا من اللـي لويطـول أنتظـاره=ابوه قبـل يمـوت بذّْنْـه موصيـه
ولوتاب قلبـي قلـت جعلـه وداره=وياخو (معيض) القلب ماهو بناسيـه
موتـي سببهـا لاتعـده خـسـاره=فـدوه لهـا (كلي)لوالـروح تفنيـه
والـرد يكفـي زبدتـه واختصـاره=والـلـي تقـولـه (لدليهي)يكفـيـه
[/poem]
