[SIZE=4][ALIGN=CENTER]لو مت عنا .. باقـي اليـوم طاريـك
ما غبت لو غابت .. عيونك مع الموت
حايلك ناحت .. تشكي البعـد ترجيـك
ما الومها .. وان جرت احزانها صوت
راح الطلال .. وداعي الحزن يدعيـك
يا ملبي الدعوه .. ترى العمر موقـوت
ماهو بسيط(ن) .. يا قبر موت راعيـك
ابن رشيد الضيغمي .. والطنـا قـوت
يا اميـر .. ارددهـا واغنـي قوافيـك
يا كاسي القاب العرب .. عز وبشـوت
يا امير .. ما ابعد هدتك مـع هقاويـك
يا ملتجى المضيوم .. من جاك مبخوت
يا امير .. شعرك مظهر(ن) كل خوافيك
انت البحر .. وان كان يسبح بك الحوت
يا امير .. شفت شلون هالخلق تغليـك
يا طيب السيره .. وباخطـاك مثبـوت
عل السحاب .. يهل قبـرك ويعطيـك
سلام ناس(ن) .. قلبها حيـل مفتـوت
يا عل قبرك .. روضة(ن) تحتفي فيـك
يا اللي قبل ترحل .. تشهـدت مثبـوت
مو بس حايل .. هلـت الدمـع تبكيـك
كل البلد حزنـان .. وعيونـه ابهـوت
راح الطلال .. وداعي الحزن يدعيـك
يا ملبي الدعوه .. ترى العمر موقـوت
:
:
:
:
رحمك الله .. ابا نواف .. [/ALIGN][/SIZE]