[poem="font="Simplified Arabic,6,#000000,bold,normal" bkcolor="#FFFFFF" bkimage="" border="none,4,#400000" shadow="1" type=2 line=0 align=center use=ex num="0,#400000""]
امـطـري ياغيـمـة المـعـنـى عـلــى بـــذر دفـيــن=لـه سنيـنٍ مـا نـبـت والـشـح هــو سـبـت بــلاه
يالزمان الصلف جنب عـن وجيـه المستحيـن=لاتجـي مثـل اللـذي ينـدس فــي عــود ولـحـاه
الـقـنـاعـه هـيـجــة قــــومٍ وصــــاروا طـامـعـيــن=والصبـور اليـا سكـت قالـوا لسانـه فـي جمـاه
وين بلقاء اللي على نهج العصـور الاوليـن=كاسـبـيـن الـطـيـب بالمـيـقـاف ولا فــــي غــــزاه
لـيـل الاول فــي منـامـي شـفـت رجــال فطـيـن=اقـبـل وسـلــم علـيـنـا ويتـهـقـوى فـــي عـصــاه
قال ماشـاء الله وماشـاء الله عساكـم طيبيـن=وابتداء ينشد عن اللي شـوف عينـه لـه يـراه
قــام ينشـدنـي عــن اقـــوام خـلــت يامسلـمـيـن=وقام يشرح لي عـن الماضـي وسيـره بالحيـاه
لــد لــي فــي نـظــرة ماكـنـهـا الا سـهــم عـيــن=والغضـب متعلـي وجــه ولا ادري ويــش جــاه
قـالــي يـــا لـيــه يـــا لاجـــواد مـنـتـوا ملـتـحـيـن=لـحـيـة الـرجــال فـيـكــم كـنـهــا حــيــدة صــفــاه
ولبسـكـم هــذا غـريــب ولا يـقــره شـيــخ ديـــن=مــن يخـالـف قــول ربــي قـلـل الله فــي حــلاه
قـال عطنـي مـن علـوم اجيالكـم كانـك ذهـيـن=ولاتخـبـي شـــي عـنــي ضـيــف يـامــل الـغـنـاه
قلـت تبشـر بالسعـد والعـلـم مــا يخـفـاك زيــن=غـيــر ودك تـاخــذ اعـلـومـي ولا مـنــك نــجــاه
حسب عرفي قلت له عن كل شي زين شين=حـط يـده فـوق راسـه قـل وش هـذي الـسـواه
قلـت ياضيـف السعـد فـي جييلنـا ذا مبدعـيـن=الــتــطـــور والــتـــقـــدم والــمـــزايـــن والــــرمــــاه
وعندنـا الرجـال بالمجلـس عـلـى مـركـا متـيـن=ومن كرمنا تاجد المندوب فـي وسـط الصفـاه
وكــل واحـــد شـــوره بـراســه ولا راســـه يـلـيـن=وهرجـنـا مـاهـو قلـيـل والـشـجـاع الـــي عـــلاه
قــــل جـيـلــك مــــا ينـاسـبـنـي ولا لــــي نـيـتـيـن=وكـــل واحـــد بــعــد مــوتــه مـالـقــاه الا جــــزاه
عندكـم نقـص الصـلاه ونـقـص بــر الوالـديـن=والـكـبــود مــورمـــه بالـحـسـدوافـعـال الـطــغــاه
ويش ابين وايش اخلـي شـي ينـدى بالجبيـن=قـام واقفـاء مـا عاطـنـي عـلـم ثـانـي الا قـفـاه
قمت انادي له وكن باذنيه ذي طين وعجين=قمت من نومي وانا مفزوع في شوف الدهاه[/poem]