[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
البارحة دون قصد..... البيت مريته ,,=البارحة دون قصدي.. زادت أحزاني !!
صاحت جروحي على الفرقا.. وتمنيته ,,=حاولت أكابر على قلبي.. ولا أمداني !!
ذكرت وقتٍ مضالي.. عشت وأغليته ,,=وذكرت أحلى سنيني.. والعمر فــاني !!
له ذكريات.. حقيقة.. حيل حبيتــــــه ,,=حتى الزمن في غيابه.. حيل أشقاني !!
ذكرت حبه.. وندمت..وقلت ياليتـــه ,,=يخفي غروره.. ويرجع لي.. علشــــاني !!
من شان ياما تركت الناس.. وأغليته ,,=ومن شان.. ياما على الهقوات يلقــــاني !!
ومن شان عمري بحبه.. راح وأمضيته ,,=ومن شان حبه بقلبي.. مامعه ثــــــاني !!
لكن..هو اللي ظلمني.. إلين جافيته ,,=وأصبح حبيبي.. مع الأيــام يجفــــاني !!
راح وتركني.. وأنا زعلان.. ماجيته ,,=كنه.. حبيبي.. نوى يرحل وينساني !!
رديت باب الغلا.. من راح رديتــــــــه ,,=يعني.. كفاية من المحبوب.. ماجـــاني !!
مشيت أنا.. بنفس دربي.. ماتعديتــه ,,=نويت أنسى حبيبي .. وأنسى أشجــاني !!
والبارحة دون قصدي.. غصب مريتـــه ,,=البارحة.. شفت بيته.. وجدد أحـــــــزاني !!
وأقول.. قولوا.. لحبيبي.. والحشا بيته ,,=أمـــــانة الله عليه.. إن مت .. ينعــــــاني !!
[/poem]