[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله يالمطلوب ياعالم الحال=انك تصبرني على كل ميله
ياما وياما صار لطيب منزال=واليوم من سواه واعزتيله
هذا زمان هو زمان للانذال=ذاك الزمن تلقى لطيبك فضيله
هذا يقدم طيباته بالاعمال=هذا حساين طيباته رذيله
هذا يغمك في رداته بالافعال==هذا هموم غير همه يشيله
هذا تشوفه فاللوازيم رجال=هذا تشوف ان النسا هي مثيله
هذا على ثقل الثقيلات حمال=وهذا على سهلاتها ماتعيله
مانيب لاقي مخرجن عقب مدخال=من ضيقتن بالقلب فيني غليله
ياوجد حالي وجد من صار كفال=بالعون شاف الذل عقب الجميله
متجملن ياحيف راحت للانذال=راحوا وخلوا كل مابه هزيله
من هو على ربغه يبدي لها اموال=رجواك منه في علومن هزيله
مامن حمولن شفتها شفت شيال=ماغير كلن قال هذي قليله
شمس الرجل لا غاب وش نفع الازوال=هو مثل قاعن بالصحاري محيله
والحين انا دورت عذبات الامثال=لقيتها باللي طرب لي مقيله
بيتن لبن حثلين ياخير ماقال=بيتن مثل بحرن وبراس سيله
ياليت رجال يبدل برجال=ياليت في بدل الرجاجيل حيله
[/poem]