[poem=font="Simplified Arabic,4,black,normal,normal" bkcolor="" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياطير ارحم .. حالـة العـود لا تطيـر=عقب المبيت .. تهـوم تبغـى ارتحالـي
يا طير هذي .. حالـة العـود يـا طيـر=لامن رحلـت .. تضيـق فيـه الليالـي
بالامس ضاق .. وجيت له انت بعصيـر=وسليت خاطر .. عود مبطي مـا سالـي
وهـو جمـاد ولا يعـرف .. التعابيـر=شفه انحنـى .. يبـي ينكسـر بانفعالـي
هذاك عود وراجي .. الطيـر لا يطيـر=وانا بعد .. ما ابغاك ترحـل يـا غالـي
يا اللي ملكت القلب .. واعطيـت تهجيـر=ناس(ن) لهـم بالقلـب .. مكـان عالـي
من بعد ماأنت حـاذف الدلـو .. بالبيـر=شلت الدلو .. ثـم اصبـح البيـر خالـي
يوم الظمـا جيتـن .. بكـل التصاويـر=تبي الـروا .. منـي وانـا لـك زلالـي
وانا انخدعت .. وجيت مـن دون تفكيـر=واقول في نفسي .. زمانـي صفـا لـي
اوطا اشواك الحب .. فـي كـل تقديـر=واقطع دروب .. الخوف سود(ن) لحالـي
كله لعينا واحـد(ن) .. قلـت هـو غيـر=راح وتركنـي .. فـوق ذيـك التلالـي
صبح وضحا والليل .. والظهر وعصيـر=والمغرب اللـي .. فيـه نشـوة خيالـي
ما غير اهيجن يقطع .. الصوت ويغيـر=اول نهـاري لال .. واخــره لالــي
اطالع نجـوم السمـا .. واسمـع العيـر=تحن ترجـي .. حويـر(ن) تـو جالـي
يومه سمع .. ما خيـب الظـن بالخيـر=عود لها وحينه .. طـرا اللـي طرالـي
ماعـاد ابيـن .. ضيقتـي للمسايـيـر=اللي تجـي وتقصـر .. اطـول احبالـي
ولا عاد اهوجس .. وش ترى باكر يصير=دام البـراد .. يخـون عـز الظـلالـي
يامطوح(ن) صوتك .. للاصوات تفسيـر=ما احد(ن) سمع لك كود .. ذيك الدلالـي
انص الدلال وبهـره .. خـوش تبهيـر=وانس الهوى .. واهل الهـوى للزوالـي
واقدع مـن التمـره .. ودوك القواريـر=وامله قهـر .. حزنـك وشـد الرحالـي
واذا نويـت تحيـر .. الـدرب تحييـر=امش بزعـل .. ليلـه جفاهـا الهلالـي
واذا تعبـت .. مـن السفـر والمشاويـر=واعينـك الاهـات .. مـن دون والـي
ازبـن علـى الغربـه .. بليـا تشاويـر=وابدا حياتـك .. ناسـي اللـي مضالـي
يا عمـري .. اللـي راح كلـه معاسيـر=من وين ما وجهت .. مـا لـي مجالـي
يا حيلي .. اجبر كسـرة الوقـت تجبيـر=لا تنحنـي للوقـت .. والوقـت مـالـي
دامـي انـا .. ويـا السحـاب المزابيـر=بياتيكـم الماطـر .. يـعـز المفـالـي
ودام الهوى .. يعشـق ملاعـب نواويـر=لا بـد مـا .. ياتيـك ريـح الغـوالـي
جرح الزمن مهما .. كبر عندي صغيـر=لا ما غدالي شي .. لـو هـو غـدا لـي
ومادام تكرهنـي .. فبعـدك لـي اخيـر=لاني ما احب .. اللي كره قـرب جالـي
ويا شين .. خـدك يـا اليالـي المغابيـر=لك قبلة(ن) سـودا .. عساهـا الزوالـي
ويازيـن .. ماطـر هالغيـوم المباكيـر=ما كنها .. الا دمـوع حـز(ن) رثالـي
وحظ القلـم .. حظـه بحظـن المحابيـر=ما كنـه الا يقـول : كـف العنـا لـي
ويا شين .. حظ العـود حظـه معيثيـر=عاش الحيـاه بمـر .. مـا ذاق حالـي
حيث انحطب .. واهموم بقعا بـه اتديـر=قالوا: يبس .. والوقـت بالعـود طالـي
يبـون شبـة نـارهـم .. للخطاطـيـر=ويبون لا اشتـد الشتـا.. جمـر صالـي
حطوه وسط النار .. وهو يرجي الطيـر=والطير عنده .. مبرقـع(ن) مـا يبالـي
اصعب عذابي خونـة(ن) .. ثـم تبريـر=واصعب عذاب الشوق .. قطع الوصالـي
[/poem]
- 29/03/2024 فريق الحزم بطلا لبطولة الرائدية الرمضانية ٢٠٢٤
- 28/03/2024 النجوم يحقق بطولة الطيبين الثانية بالخفجي
- 18/03/2024 الشمال يتلقى الهزيمة الثانية والنجوم بالصدارة دورة الطيبين
- 17/03/2024 الراقي يتغلب على الملكي بالثلاثة ببطولة الرائدية للطيبين ٢٠٢٤م
- 16/03/2024 الحزم ونابولي يقسوان على الرائدية والزعيم ببطولة الرائدية الرمضانية
- 15/03/2024 بالثلاثة يتعادل النجوم مع العميد في دورة الطيبين بالخفجي
- 15/03/2024 أولمبي الحزم يتعادل مع الربيّع وركائز الشرق يتعادل مع النجوم
- 15/03/2024 انطلاق بطولة الرائدية للطيبين الرمضانية بفوز الملكي على الشمال
- 14/03/2024 الحزم والهامرز يفوزان بانطلاق بطولة الرائدية الرمضانية
- 20/12/2023 الفائزون بمسابقة ابتدائية عمورية للقصة القصيرة
المقالات > العود والطير
العود والطير
وصلة دائمة لهذا المحتوى : http://www.alraidiah.com/articles/792/