كـــل ماسـجـيـت

[حمد الدليهي]

الغلا


كل ماسجيت ذكراي للماضـي تعيـد=في زمان ٍ فيه قلبي مع الغالـي سـلا
الغلا في كل لحظه مع المـده يزيـد=الغلا يامتعـب القلـب ماغيّـره غـلا
واشهد إنك أجمل الخلق في عيني واكيـد=والملا بانظارها تختلـف كـل المـلا
القصيد انواع عندي وجامع لي رصيد=صرت انا وبحور الأشعار خوّه وزملا
كل مادونت لي نص بانتـاج ٍ جديـد=سيرتك مرت على البال ياريـم الفـلا
ماطرالي غير وصفك مع بدع القصيد=والقصايد دون طريـاك مافيهـا حـلا