خـســاره واشـقــر الفـنـجـال مايـلـقـى مطالـيـقـه

[حمد الدليهي]

يلوح البرق



نويـت اللّـي نطقته والقمـر مايشبـه القنديـل=عزمّت النيـه وُرزقـي علـى رازق مخاليـقـه
قريت الفاتحه واللي بعدهـا سـورة أهـل الفيـل=وسـوق ٍ مايربحنـي علـى يسـراي تسويـقـه
يلوح البرق ويحن الرعد يامحترين السيـل=وصلفـات الهبايـب بيـن تغريبـه وتشريـقـه
ولاكل الطيـور تحـوم وتعانـق مسـار سهيـل=وحـر ٍ مايصيـد الصيـد ماينّفـعْـهَ تحليـقـه
تفوح الدله الصفـراء وُيبكـي بنّْهَـا والهيـل=خسـاره واشقـر الفنجـال مايلقـى مطاليـقـه
عذولي نيّتْهَ غبرى وقلبـه أسـود مـن الليـل=يشيل الحقـد فـي قلبـه ويجـري فـي معاليقـه
ذنوبه مارتكبها الصرب والنازي ولا اسرائيل=يموت وكرسـي أهـل المجـد ماثبـت مواثيقـه
كذب له كذبة ٍ لوتنّـوُزن ترجـح بكـف الكيـل=كشفنـا كذبتـه يـوم الولـي ردّى توافيـقـه
انا لولاك ..ياكساب يا(متعـب) ظهورالخيـل=لاشهربـه واسـوي فيـه تمحيـقـه وُتمحيـقـه
دمحنـا زلتـه لجلـك علـى شانـك يابوتهليـل=أداري خاطـرك لايلحقـه يامسنـدي ضيقـه
ابودربيـل بعيونـه عمـى ماينفـع الدربيـل=وريقـه لـو يبلّـهَ بالملاقـا نـاشـف ٍ ريـقـه
أمشيهـا علـى شـرواه لوحلـل ميـة تحلـيـل=يحب الكوع ماتمشي معـي عوجـا طواريقـه
سبايك جوهرة عبدالغني مازخْرفـتْ تجميـل=عليهـا اسمـي وُختمـي ماتطرقـهـا تلافيـقـه
مسلسل واول الحلقات واخرهـا لـي التمثيـل=وابـو وجهيـن واجه مع مضيق الدرب توهيقه
نهاية رحلـة العسـاس فصْـلّ رحلتـه تفصيـل=وسـره حافظـه مابـاح سـره في صناديقـه
نهر دجله تلاقى فالفـرات ولايمـر النيـل=وباب ٍ صار منّه ريح نطح الريـح تغليقـه