مــوقــوف ومـفــعــل مـفــعــل ومــوقـــوف

[حمد الدليهي]

موقوف


ياجاهلين العلم صفوا له صفوف=العلم جاكم وانشري ياصحايف
موقوف ومفعل مفعل وموقوف=موقوف واقدامي على راس نايف
اللي نذر مرفوض نذره ومنسوف=عليّهْ كفّاره وذنبه ردايف
صوره وعضويه وموضوع محذوف=غصب ٍ على شارب كلام المهايف
ماهو كفو تطبيق تهديد واحلوف=وين انسحابه عقب ماصار شايف
فعله مثل وجهه وللناس مكشوف=منبوذ وانساقوا وراه الهدايف
كبيرهم يرجف من الذل والخوف=مابين نار وغار شايف وعايف
مثل الطويّْر اللي من الريش منتوف=الموت قدامه ومن خلف حايف
من فضل ربي جاني العلم مقطوف=بانت حقايق معترين الوصايف
ومسبب الفتنه على الصيت ملهوف=ومكسراته ماعليهن لحايف
مايميّز اللبس المعرى من الصوف=متساوي ٍ في بردها والمصايف
النصر ما اعلنته على حيلة ضعوف=مايعلن الا في حروب وكلايف
والجاه جاه اللي ورى كل معروف=من نسل منّهم محتمين العطايف
شيخ ٍ ماينقل مشلحه نقلة كتوف=له منصب ٍ ماهوب منّصب وظايف
وانا سيوفي في مواجيبها سيوف=ماهي نتايف عاشقين النتايف
مريت في دنياي باافراح وظروف=وزني ثقيل وماحسبّتْ الخفايف
اسمي وفعلي مع هل الجود معروف=ماجيت للشهره ملفّقْ وُزايف
مارحت مع غيري اعلاقه ومردوف=حر ٍ طليق وفوق روس النوايف
الشعر اقوله سيرة ابداع معزوف=وليّا هجيت بيوت شعري قذايف
ربعي بني خالد من عنك للجوف=الجوف جوف مكبرين المضايف
اللي حموا بيض الحباري من الحوف=في حكمهم كم ناوي الصيد خايف
لاصاح صيّاح الضحى هم ستر نوف=في مجدهم تسقط جموع وحلايف
ماهوب مجد اللي على النت مكتوف=مجده بركن القايده مع هنايف
لاجيتهم محشوم وان جوني ضيوف=افرش لهم بالصدر ورد وُقطايف
والا سفا بنْ مختفا مشها وطوف=افراقهم ربحي ماعده حسايف