طاحت دروع وطاحوا اللي في خفى تدرّعوا

[حمد الدليهي]

ياعرب


الصبر يطفح ياعرب والا لعلّه ماطفح=بسمة فرح ماتنوجد جرعة ألم تجرّعوا
يامن جهل غزه حماس ومشكلة معبررفح=تعريفها شجرة سدر بفروعها تفرّعوا
قالوا سفح دم الفلسطيني وانا شفته سفح=طبخه وتطبخ من ورى وشعوبنا تسرّعوا
اللي يقول انّه يكافح حاص يكذب ماكفح=كلام ليل ومع طلوع النور ضده شرّعوا
تبطين يابنت الحمايل ياجديلك مالفح=زرّاعةْ اللغم الحمر في حطته تزرّعوا
النصر حلم وصعب تحقيقه عن الرغبه صفح=طاحت دروع وطاحوا اللي في خفى تدرّعوا
الشرق الاوسط في خطر ذعذاع نصره مانفح=ماهي على غزه وبعض اطفالها تصرّعوا
الصمت قالوا من ذهب حتى التنفس لايفح=آخر تقارير القضيه ياعرب تبرّعوا