يستحي كساب الامداح وجهك مـا استحـا

[حمد الدليهي]

الجهات اربع


ما هقيت إن فيه ناسٍ على دربي وحـا=لين حلت سكرت الموت بالعـرق الذبيـح
انمحى التزييّف مع سايـر الوقـت انمحـا=مثل ما قال المثـل مايصـح إلا الصحيـح
ما قفيت البارق اللي عن الشـوق انتحـا=قافلٍ باب المتاهه وبالي مستريـح
يا جحا وإلا على الدرب ياصاحب جحـا=دارت الايام ياسرع ماشفتك طريح
بهذلوك اصحابـك اللـي يشيلـون اللحـا=وتدعي في دين الإسلام وانت من المسيح
صرت مثل الحبه اللـي يلامسهـا الرحـا=مرةٍ تنجا ومـره وسـط جوفـه تطيـح
لاتساوي ساري الليـل جـلاس الضحـى=وتقدم بالفتاوي حــرام وتستـبـيـح
يستحي كساب الامداح وجهك مـا استحـا=والجهات أربع ولا لك على الأربع مديـح