لادبرت موج البحر كنّه يباري قدها

[حمد الدليهي]

مواثيق الغلا



الزحمه اللي ماتسبب لي متاهه واختناق=مالد بالي يمها والشايفه مالدها
لعبة مطافيق الحواري مالها عندي سياق=الناقصه في دنيتي مهما حصل ماعدها
انتي تعالي واسكني داخل خفوقي بانطلاق=اللي على خبرك مواثيق الغلا ماهدها
الغيد في خارج نطاقي وانتي اللي بالنطاق=النفس في غيرك حشي يابنت محدٍ شدها
يايوسفيه في جمالك فاق حسنك فاق فاق=على بنات آدم وحواء ماتواجه ندها
مسلوبة العاتق نحرها كنّه الصبح انفلاق=ممسوحة السرجوف ناحل خصرها ماضدها
ماهي معاقه وان مشت تمشي مثل مشي المعاق=لادبرت موج البحر كنّه يباري قدها
طرقا ليانٍ عودها طارف ملامسها رّْقاق=مثل البروق اللي تكاشف في جوانب خدها
ريميةٍ ماتلتفت لأّْهل التلفق والنفاق=هي حدي اللي ماتعداها وانا اللي حدها
أخفي غلاها عن حسودٍ لاسمع طرياي ضاق=يموت ماحقق مُناه ورغبتي ماردها