تونس ومصر وليبيا باقي الشام

[حمد الدليهي]

بطل فيلم



جاني يبي وصليْ بعد ماانتهى عام=والشرق الاوسط عام كله تغيّر
تونس ومصر وليبيا باقي الشام=وايران وضعه وضع عاده محيّر
وانا بطل فيلمٍ ماهو مثل الافلام=خيّْرْ واصادم لي ملاعيّنْ خيّر
من طارف الخفجي إلى شرق الاوجام=عطيتهم عرقوب والدرب نيّر
ضدي تهوش اقلام واشاعة اعلام=شفت الّمْسَيّرْ مايداني مُخْيّرْ
انا حزامي في مواجيبه احزام=ماني مع غيّري لغيّرهَ مجيّرْ
افعال ماهي هجعة الليل واحلام=صيرت صعبٍ مستحيل إيتصيّر
حيفا وتل ابيب في شور حاخام= واللي غنْيّ ماهو سوات الفقيّر
ذاك البويت اللي ورى بيت غشام=مداخله مامر معها المسيّر
راعيه مسلم مانهج نهج الاسلام=يقيس فاله لاغضب بالتطيّر
بعـطيّه همسه والمواعيد قدام=عن قصة الضلع الأخير القصيّر
والراعي اللي ماسك ٍ قيد وخطام=مات الحوار وناقته ماتضيّر
قدام عــــيّــنه حام طير السعد حام=يوم خطفوا قدام وجهه نويّر
مايدري إن الوقت دوار الايام=دارت عليه وصار فيها يعيّر
حزّر وفزّر ماهي حروف وارقام=ذيب ٍ هجم واقفى شبيه المذيّر
واللي يبي وصْليّ بعد ما انتهى عام=الشرق الاوسط والدليهي تغيّر