ان تحالف مري وعجمي ويامي

[حمد الدليهي]

هيبة التزيف


الربيع وهـدة الفـرخ القطامـي=والحباري والأرانب في دحلهـا
الفشق طابور في مقـدم حزامـي=الدلال الصفـر والنـوق وفحلهـا
كلهن معهن حضوري وانعدامـي=بالزمن ما غيرهن عينـي كحلهـا
من فعل يمناي لي قـدر ومقامـي=الدروب أدْرك سهلها من وحلهـا
ما تِسامى من ورى كبار الأسامي=هيبة التزييّف طبعي مـا انتحلهـا
وانت ياللي لا حلال ولا حرامـي=الحساني منك لك ذنـبٍ محلهـا
تجهل إن الطـق فكـاك اللحامـي=ما ينوش الكبد يلحق في طحلهـا
اعتبرتك رميةٍ من غير رامي=رحلةٍ ما تاه فيهـا مـن رحلهـا
وامتسـاوي بالبدايـه والختامـي=حال ما تسمن وحالةٍ مـانحلهـا
وان تحالف مري وعجمي ويامي=الخليـه مـا دخلهـا إلا نحلـهـا