مابان في واحد وعشرين بوصـه

[حمد الدليهي]

الكاتـب المنبوذ




الكاتـب المنبوذ لوقـال مـاقـال=ماهو محقق رغبته في نصوصـه
يطلع عليه هـلال ويغيّـب هـلال=مابان في واحد وعشرين بوصـه
من طلعته ماهو مع الهجن زرفـال=يعوص بالمضمار عوصه وعوصه
سلمه يخالف سلـم دلـه وفنجـال=كل الجهات اربع وذكـره بحوصـه
من قبل وذراعه على الطيب ماطال=ناقص وسـوى مايـزود نقوصـه
هرجهْ قفا والوجه ماهوب رجال=يحوص له تسعه وتسعين حوصـه
ماكل مـره راكـب الخيـل خيـال=لقمه ماهي مثل اللقم ومغصوصـه
تضرب عليه اللي ماهي مثل الامثال=ماهي على غيره وفيه مخصوصـه