من شفت عينك وحنيّة زاوية خصرك

[حمد الدليهي]

زاوية خصرك

شطبت غيرك على قمة غلا وابني=ابني مساحات قلبي كلها قصرك
عندي قناعه ياغيرك مايناسبني=من شفت عينك وحنيّة زاوية خصرك
مواكب الشوق في حبك تواكبني=مسيرة العشق من طولك إلى قصرك
الملح بالماء يذوب وُيامذوبني=ارفق علي وان رفضت الرفق بي بصرك
كلّي حلالك تفرحني تعذبني=اهم حاجه معي في عالمي حصرك
سافر بلاصد بعدنّْي وقربّني=تبّعدك عنّي مسافاتك وانا اختصرك
النيل في مصْر شرّْبْ وانت شربني =ضامي مواصلك خذني نيّلك وُمصرك
اكتب بكْ الشعر فيك الشعر يكتبنّي=نصري على الشعر وانت اللي علي نصرك


حمد الدليهي