الدليله

[مشبب البشري]

aاتحرى كل لليـل وكـل صبـح وكـل قيلـه= في علوم تبـري العلـه وتظهرلـي بشايـر

دلبح الوقت المرجوا فـارسٍ وانهـد حيلـه=ما رجاه الى كريـم يعلـم بخافـي السرايـر

ابرهه حطم جيوشه وانكسـه بحمـول فيلـه=هو رجاي وملتجاي يصد عنـي كـل جايـر

اكتشفت اعلوم بعض الناس في غدرٍ وحيلـه=واستهميت الامر في حـل مشكلـة الغدايـر

قمت بالواجب وقدمت العطـاء بـن وهيلـه=لجل نرضي من له احقوق علينـا دام زايـر

قمت احرص واحترص لا تدري اطراف القبيله=والعوض بالراس وابديت العوض رد الخساير

واكتشفت الكارثـه كـلا يقـدم لـي شليلـه=واكتشفت ان العلوم امبوبه مـن فعـل بايـر

لو درى العاقل بها في كل رجم حـط شيلـه=ويبطي المكسور في كسره ولا يلقاء جبايـر

ما لحقني شك منهم غير مـن ربـي ثقيلـه=وانت ياللي جاهلِ بالوقت جاك الوقـت دايـر

دار دولاب الليالـي والمطـر بيـن مخيلـه=الجبل حدر علـى الـوادي وبيـن للحرايـر

جعل وادي البيح يسقى بعد ما بيـن مسيلـه=واظهر الخافي لنا والعيـن لـدت للخضايـر

الدليله تكشف العدوان لـك باهـون وسيلـه=والدليله تظهر بصدر العـدو غبـن ومرايـر