قليل منهو يقول الصدق

[مشبب البشري]

قليل منهو يقول الصدق فـي بوحـه=وانا ضمن من ذكرته يظهره بوحـي
الادامي ما عليه اغـلا منـه روحـه=وانا اللذي بالغلى مرخص له الروحي
لو نست منها خطاء باقول مسموحه=وانا ليا اخطيت ماحدٍ قال مسموحـي
انـا قريـب ولكـن مبعـد طوحـه=ما يدري اني قريب منه في طوحـي
اغلق نوافذه حتى الباب فـي لوحـه=و شرعت له كل باب ولا بقا لوحـي
انا احسب انها مع الايـام مجروحـه=واثر البلى معتريني واكثر جروحـي
كنت اتوقـع حزيـن ومكثـر نوحـه=ويوم اكتشفت الحقيقه قمت انا انوحي
يافكرتي في عذابي ويش مصلوحـه=هو مادرى اني عطيته كل مصلوحـي
اصغي لذانـي ليـا ورد بمشروحـه=ويقفل اذنيه لمن سقـت مشروحـي
متوقـع القلـب والاذان مفتـوحـه=واثره يقفل بوجهـي كـل مفتوحـي