من مد لك بالصاع بادر ومده

[مشبب البشري]

من مد لك بالصاع بـادر ومـده=ومن جرك لدنيا على الشوك جره
وقال المثـل حـده ولابـذ هـده=ما مر عكفان الشـوارب يمـره
ياقو صبر اللي صبر والـه مـده=ينقل همومه في جنوبـه بحـره
الفرق واضح بيـن نـدي ونـده=والثوم يبقى ثوم مهمـا تصـره
قم يانديبي واخـذ علمـي ووده=للي علومه وان بدت مـا تسـره
قله يوقف وان فهم عنـد حـده=من قبل خطلان الايـدي تشـره
حذرى يقارن بين صدي وصـده=ولاني على المقفي بتبـاع جـره
والي بنيت اعوام في ساع هـده=وانا تحملت الاسـى والمضـره
الله يعين موسـم الدمـع خـده=اعوام عقب اعوام ويزيـد شـره
يلي هناك النـوم فـوق المخـده=لاتحسب الدعوى مـزاح ومغـره
ادرك ببو وجهين علمـه ومـده=الي ليا من شافنـي العلـم فـره
وقله ترى جدي على الوصف جده=ولاعاد له بالطيـب مثقـال ذره
ياما صبرت اسنين بيـاح سـده=ضالم ولا يعرف نجـوم المجـره
وقله مشبب منك واصـل لحـده=ولاهو بيرجي منك نفـع ومبـره
ولاهو بقـد لـك ولانتـه بقـده=وقله ليا من لبس ثوبـه يـزره