كوكتيل كاس الغدر شرّبه عندهم مثل العصير

[حمد الدليهي]

يالله وانت المعتلي يالواحد الفرد البصير=يامنقذٍ يونس وهو في داخل الحوت ونجا
ياخالقٍ هذا طويل وخالقٍ هذا قصير=ومثبت جبال الحجاز مثبتٍ سلمى واجا
ارفع إليك مدبرات العيش وابغاك النصير=في حزةٍ لاتاه عبدك فيك ماخاب الرجا
صيّرت في تدبير عونك بالزمن مالا يصير=لجئـتلك مسلم ومؤمن عند غيرك مالجا
ادعوك واخفض لك جناح الذل في سكة مصير=ضعيف لك وحدك وبعض الناس عرضته حجا
اعطيتهم نبذة دروس الشعر في صبح وعصير=في مدح والا في ثنا والا فخر والا هجا
كوكتيل كاس الغدر شرّبه عندهم مثل العصير=الحقد معهم سجته والطيب معهم ماسجا
الوقت دايم يكشف اللي منهجه ملعون صير=مهما تبيّن تحت نور الشمس والا في دجا