تلذذ عطش فرقاي واضما هجر وابعاد

[حمد الدليهي]

حياتي دروس


تلذذ عطش فرقاي واضما هجر وابعاد=بودعك كفّن عشرتي معك وادفنها
شهادة وفاة الحب في خانة الميلاد=على قفايتي واخر ممراتي اعلنها
ولاعادني في يمتك عاشقٍ نشاد=حجبت المشاعر عنْك والنفس ضامنها
قطعت الحبال اللي لْوصلك علي تنقاد=قفلت الجهات اللي هبوبك يجي منْها
وعد خذ وعد ياسيرتك سر ماتنعاد=مداها على نبضات قلبي وصاينها
يعوضك وقتك والزمن معطي وجحاد=الايام تثبت لك وتظْهِر بواطنها
على وضعك المعتاد ماني معك معتاد=عبرتك على جلود الثعابين والَسنها
حياتي دروس وعشتها مستفيد وفاد=بعيد المدى والناس كاشف معادنها