الكلمة

[عيسى بن راكب]

الكلمه اللي باللقـا توفـي الكيـل=قدام لا أنطقهـا ضميـري سبقهـا
خليتها حشمه لبعـض المشاكيـل=و وردتها عوج الضلـوع تحرقهـا
أخـاف لا تكثـر علـي الغرابيـل=والآذن عن نقص السواليف صقهـا
طاحوا من عيوني ضعوف الرجاجيل=مثل الغصون ليـا تساقـط ورقهـا
ناسً خلقها الله لكسب المحاصيـل=ولا خافت اللي من ترابـه خلقهـا
ناسً رداهم وارثه جيل عـن جيـل=ولا مرت الكلمـه شريفـه طرقهـا
حطوا على هروج النشامى درابيـل=تحرف الكلمـه ولا أحـدن نطقهـا
ناسً معيشتهم على القـال والقيـل=وكلـن يزيـن كذبتـه ويعشقـهـا
تخطيطهم بالضبط كنـه آسرائيـل=والقدس ما يدرون من هو سرقهـا
منهم تسيل العين وتجـف وتسيـل=والطيب اللـي دمعتـه مـا درقهـا
يرجي عسى درب السعد بالمقابيـل=ولحقته الدنيـا وهـو مـا لحقهـا