دمعة رجال

[مخاوي الشوق]

http://imagecache.te3p.com/imgcache/79469da935f986b7877120157eab90c6.gif (http://imagecache.te3p.com/imgcache/79469da935f986b7877120157eab90c6.gif)
يالغايب اللي هد حيلي بفرقاه
النفس من فرقاك بالصبر ساحت


طال الغياب ولاهب الشوق يغشاه
ولي شرهةٍ لو راح عمري ما راحت


عنوانها الموت الحمر مد يمناه
للروح كان الروح منك أستباحت


قيس الملوح مات بأسباب ليلاه
ودوافعه للموت فالعين لاحت


وغصن الغلاء اللي بالمواصل سقيناه
يبست عذوقه والعروق استراحت


خابرك حارس عشقنا اللي بنيناه
ومشاعرك لا غبت هامت وصاحت


واليوم بيت الوصل تبكي زواياه
وجدرانه من الشوق يا بنت ناحت


وين أنت دام الصبر واصل على اقصاه
ودلال شوقي لجل شوفتك فاحت


ترى الخيال يسج بك وانت تنساه
وسود الليال بشوف طلتك شاحت


والدمعه اللي ردها الجفن فخباه
دمعة رجل لو طاح حظه ما طاحت

[دانة الكون]

ابيات رااااائعه
الف شكر

[مخاوي الشوق]

الرائع هو مرورك انتي على المشاركة وكلاماتك الحلوه يادانة

[الدووووخي]

صح لسااااانكـ ..

الله يعطيكـ العافيــة ..

[مخاوي الشوق]

ولسانك يادووووووخي

[أبو رائد]

سلمت يا مخاوي الشوق

وربي يعطيك العافية

[مخاوي الشوق]

لاهنت اخي ابورائد على مرورك وكلامك الطيب