بديت اغيًر وجهتي لا ما بديت .. بين التردًد والحسم كيف ابتدي ....!

[سند مطر]

بديت اغير وجهتي لا ما بديت
بين التردًد والحسم كيف ابتدي ؟

ماعدت أميًز وجهتي بعت وشريت
واصبحت أضيًع [ ياسهيل انت الجدي]

عزيز نفس وفي حياتي .. مارضيت
أعيش في ذله يلو هي ببْلدي

بالله يازراع وش هو به [ جنيت ] ..؟؟
لاصار في زرعك كثيرن يعتدي

تشيل هم الناس لكن ماخذيت ..؟
حصادك اللي به بروحك تفتدي

ملجاي للًه يوم بالناس ابتليت ..!؟
وانا رضاة الله منايا واسعدي

ومادامني من ثوب الاخيار اكتسيت
مالمْت من في ثوب مثلي يرتدي

ماني بحاسد شخص دامي ماعطيت
المعطي الله مو بفعلي وجهدي

ومن هو بغى فرقاي عنه ما بكيت
ماطاحت الدمعه بفرقا لردي

اذا على الفرقا ترى ياما لقيت
كم في يدي حاجه وراحت من يدي