لحظة سكون

[حمد الدليهي]

البارحه يالليل في عتمك سريت
لحظة سكون وغاب عني كل صوت
اكشف واخفي حالتي في كل بيت
بيت الشعر ماقصدي اسرار البيوت
اجحد صوابي وابتديبه لانتهيت
والنفس لي مده ماتقبّل كل قوت
اكتم وانا مما جرى ليْ استويت
اخاف يدريبي ويفرحبي شموت
حتى ولو حطيت نفسي مادريت
ماغير اكابر والصحيح احيا واموت
حاولت لكن من فراقه ماقويت
اللي على قلبي غلاه اصبح ثبوت
صدتبه الاقدار ماحظي بخيت
وكنت احسبنّي من كبيرين البخوت
ماانساه لو اني اقول اني نسيت
من دمع عيني صاير الرمش محتوت