اخر خبر يجمد على كل شارب !!

[نجم]

السلام عليكم ..
رائعه أعجبتني لشاعر متميّز وعساها تعجبكم ....
والقصيدة كما يسميها شاعرها ( صغار العقارب )







يا ناشد ٍ عني ,, تهيّد وابعطيك
آخر خبر يجمد على كل شارب
عصر الخلافه غير عصر المماليك
لو كل منهم لاجل دينه يحارب
وما صار بين الناس نشده وتشكيك
لو فالعرب مستعرب وفيه عارب
وأنا ما افكر في كلام الصعاليك
إللي تبي ترقا على كل غارب
ما دام كلٍ له رصيد ٍ على شيك
شيك رهوى ,, ماهو بلحية مضارب
أقول : يا مسكين ماهوب يمديك
سهم الوفا والمجد والعز ضارب
ولولا العقل قد قلت لك بيض يا ديك
وقد قلت طيري يا صغار العقارب
لكن لا شفت الوضع يحتاج تكتيك
تكتكت له بالمعرفه والتجارب
خل الطريق اللي يجيبك يوديك
واسبح بحر واركب على ظهر قارب
إن قلت بلجيكا تثور البلاجيك
ولا قلت صنعا فيض يا سد مارب
أما مدامك خابرٍ فيك ما فيك
خل اللحى تحفظ حقوق الشوارب
هذا الخبر يا طالبه وامسك بريك
وإحذر تخربها ترى الوضع خارب






للشاعر / مـبارك آل خـلـيـفــة

دمتم بألف خير