حمد الدليهي
21-08-2017, 02:48 AM
للمدح تبرير
الجو غايم والهدد زان لطير
يالله تجيب الخرب من بعد عابر
يلقاه ابوتركي ومعه المناعير
ويبشرون اللي شفوقٍ وصابر
فهد ولد تركي ولا مقصدي غير
ابن الرحيل لكسر الاقراب جابر
ماشان لاشانوا هشاش الصقاقير
له سمعةٍ تنذاع فوق المنابر
ماينقل التفريخ ومخلط الجير
ينقل اصيلٍ لا لحق مايدابر
ماصاده الشباك في فيضة منير
مصيود من شرقي بْلاد المحابر
طلعه حريص اطيار والا مخامير
حرص الخفير اللي يحرس العنابر
يستاهله لاصار ضمن المداوير
يقطع فجوج القاع ذارع وشابر
الصبح مردومه وبالسوده عصير
مراتعٍ فيها دليله وخابر
عنده على كل المدارج تقارير
والفال طيب ماهو الفال غابر
ديرة هله قبل المعادن وابا الخير
يوم السبر عينه على القوم سابر
تاريخ حافل ماهي افلام تصوير
كم جثةٍ تفنى بليا مقابر
مدحت ابوتركي وللمدح تبرير
والمعترض مانلتفت له وثابر
الجو غايم والهدد زان لطير
يالله تجيب الخرب من بعد عابر
يلقاه ابوتركي ومعه المناعير
ويبشرون اللي شفوقٍ وصابر
فهد ولد تركي ولا مقصدي غير
ابن الرحيل لكسر الاقراب جابر
ماشان لاشانوا هشاش الصقاقير
له سمعةٍ تنذاع فوق المنابر
ماينقل التفريخ ومخلط الجير
ينقل اصيلٍ لا لحق مايدابر
ماصاده الشباك في فيضة منير
مصيود من شرقي بْلاد المحابر
طلعه حريص اطيار والا مخامير
حرص الخفير اللي يحرس العنابر
يستاهله لاصار ضمن المداوير
يقطع فجوج القاع ذارع وشابر
الصبح مردومه وبالسوده عصير
مراتعٍ فيها دليله وخابر
عنده على كل المدارج تقارير
والفال طيب ماهو الفال غابر
ديرة هله قبل المعادن وابا الخير
يوم السبر عينه على القوم سابر
تاريخ حافل ماهي افلام تصوير
كم جثةٍ تفنى بليا مقابر
مدحت ابوتركي وللمدح تبرير
والمعترض مانلتفت له وثابر