يالجمس

[حمد الدليهي]

يالجمس ياكثر منهو عاشقك هاوي
لكن ياقل من مثلي يعزونك
اسم الدليهي مع اسمك صار متخاوي
ماباقي الا يختم في دركسونك
ماكل منهو يحاول قيمتك قاوي
ماارخصك واعرضك للي يْسومونك
مشهود لك يوم ذيب النايفه عاوي
من فوقك اللي مع الغدراء يسرونك
ان عورج الدرب والا صار متساوي
اللي على الشهب عجزوا لايحدونك
لاعود العلم بين اقدم ومتراوي
لاخانت اشوار ضد اشوار مايخونك
تغليفة الحمل ماتروى مع الراوي
وان كذبوا صدقوا باللي يشوفونك
عليك قفل الامان وصاحبك ناوي
مايسلمك في يدين اللي يهينونك