جذاب فضي

[حمد الدليهي]

جذاب فضي

راكب اللي لونه الجذاب فضي
حاء وميم ودال باللوحه حروفه
السبايك في عموده ماتعضي
واندفاع الزيت ماعطل بلوفه
كن صوته من كناديسه يخضي
والمكينه كنّها ماهيب جوفه
لامشى قيره تروسه ماتفضي
والبليد بطارته عاجز يحوفه
فوقه اللي في مهماته يقضي
مايهمه لو لحق نفسه كلوفه
في سلوم اهل المعرفه مايغضي
من رجال فعلهم كلٍ يشوفه
ذى حمد فراج جابه طيب حضي
ولد ابن عجران مكرمهم ضيوفه
المدايح في مثل راسه ترضي
نادرٍ تفرق مزاياه وُصوفه

حمد الدليهي