يارشيد ابن داهوم

[حمد الدليهي]

يارشيد ابن داهوم سلم على شعيب
ياعمدة الخفجي وشباب ناره
وصل سلامي وانت شيخ المواجيب
ماهو أمر عقب السلام العباره
ودي اقول ملاحظة ماهيب عيب
قله ترى ممدوح حاس الاداره
ادارته يارشيد ماهي على الطيب
عزالله انه بالاداره خساره
ماهو حكيم وفيه جملة عذاريب
مافيه عنده لتفاهم مهاره
واجوف ولا عنده للاعمال ترتيب
واسلوبه مخالف فنون وشطاره
والصدق عنده مثل وضع الاكاذيب
مثل الذي ساوت يمينه يساره
سياسته تدمير تعطيل تخريب
لاحل في دارٍ سعى في دماره
يارشيد قله وانصح الذيب ياذيب
والحر قالوا يفتهم بالاشاره
لايروح ماله في جيوب الاجانيب
ويضيع طب العازمي والتجاره