ماجد المري
14-11-2006, 11:28 AM
السلام عليكم ورحمة الله وبركاته
في يوم الأربعاء 1 / 11 / 2006 إنتقل إلى رحمة الله شخص عزيز جدا ًعلى قلبي وهو خالي " طالب راشد المري " وقد أشار إلى هذا الخبر الأخ "سامي الشمري" جزاه الله عنا خير الجزاء وجعله الله في ميزان حسناته ..
المصاب جلل والفراق صعب .. ولكنّها حكمة الله وقد قال سبحانه " كل من عليها فان " .. ولكنّي هنا أردت أن أقول قليل من ما يجول بخاطري .. فاسمحولي ..
::
يوم الربوع اللي مضى خالف الخير=غيّب من الدنيا والأجواد غالي
:
الشايب اللي عن جميع البشر غير=مات .. وعقب موته ليا سم حالي
:
"خالك توفّى والبقى في المناعير"=من قالها لي قلت : " يا حي خالي "
:
أجنبت .. أدوّر للمصيبه معاذير=أثر الخبر ما فيه شك وجدالي
:
اللي على عهده يقود الطوابير=أقفى من الدنيا وشد الرحالي
:
في وصف طالب ما تكفّي التعابير=تقصر معاني الهرج لو فيه طالي
:
بالطيب .. قبله للوجيه المسافير=شوره وكاد ومنزله دوم عالي
:
أما الكرم .. حاتم وهو حاتم يغير=مرخي يدينه ما يحسب التوالي
:
ولا الشجاعه .. كاسر شوكة الزير=عون الضعيف اللي من الهم جالي
:
وباللطف .. يتبع " ألطفوا بالقوارير "=يمسح دموع اللي به الدمع سالي
:
والدين .. يقضي تالي الليل تكبير=يطلب إله الكون حسن المآلي
:
حكيم عادل هيبته هيبة أمير=عنده ثقال الحمل ماهي ثقالي
:
كم من عسير صار بيديه تيسير=وكم من محال صار ماهو محالي
:
وكم من يتيم شاف فيه التباشير=ضمّه على صدره وصال إله والي
:
حتى الضعاف اللي يبون أي تقدير=صاروا له بطيبه رفيق ٍموالي
:
قد قال لي أحذر ضياع الشواعير=اللي يجيب الضايعه ما يبالي
:
وأحذر تخاوي من شبه نافخ الكير=وأحرص على دينك ليوم الزوالي
:
يا حي خالي .. قلتها دون تفكير=من حر مابي كن في الجوف صالي
:
ليت العمر يفدى وحنّا له نصير= لكن حكم الله مابه مجالي
:
الناس تحسب دمعتي دون تبرير=وأن البكاء ماهو سنع للرجالي
:
يحرم علي مسح الدموع المحادير=مادامها هلّت على شان غالي
:
"خالي توفّى والبقى في المناعير"=من قالها لي قلت : " ما مات خالي "
::
إننا لله وإنا إليه راجعون ..
ماجــد المـــري
:101:
في يوم الأربعاء 1 / 11 / 2006 إنتقل إلى رحمة الله شخص عزيز جدا ًعلى قلبي وهو خالي " طالب راشد المري " وقد أشار إلى هذا الخبر الأخ "سامي الشمري" جزاه الله عنا خير الجزاء وجعله الله في ميزان حسناته ..
المصاب جلل والفراق صعب .. ولكنّها حكمة الله وقد قال سبحانه " كل من عليها فان " .. ولكنّي هنا أردت أن أقول قليل من ما يجول بخاطري .. فاسمحولي ..
::
يوم الربوع اللي مضى خالف الخير=غيّب من الدنيا والأجواد غالي
:
الشايب اللي عن جميع البشر غير=مات .. وعقب موته ليا سم حالي
:
"خالك توفّى والبقى في المناعير"=من قالها لي قلت : " يا حي خالي "
:
أجنبت .. أدوّر للمصيبه معاذير=أثر الخبر ما فيه شك وجدالي
:
اللي على عهده يقود الطوابير=أقفى من الدنيا وشد الرحالي
:
في وصف طالب ما تكفّي التعابير=تقصر معاني الهرج لو فيه طالي
:
بالطيب .. قبله للوجيه المسافير=شوره وكاد ومنزله دوم عالي
:
أما الكرم .. حاتم وهو حاتم يغير=مرخي يدينه ما يحسب التوالي
:
ولا الشجاعه .. كاسر شوكة الزير=عون الضعيف اللي من الهم جالي
:
وباللطف .. يتبع " ألطفوا بالقوارير "=يمسح دموع اللي به الدمع سالي
:
والدين .. يقضي تالي الليل تكبير=يطلب إله الكون حسن المآلي
:
حكيم عادل هيبته هيبة أمير=عنده ثقال الحمل ماهي ثقالي
:
كم من عسير صار بيديه تيسير=وكم من محال صار ماهو محالي
:
وكم من يتيم شاف فيه التباشير=ضمّه على صدره وصال إله والي
:
حتى الضعاف اللي يبون أي تقدير=صاروا له بطيبه رفيق ٍموالي
:
قد قال لي أحذر ضياع الشواعير=اللي يجيب الضايعه ما يبالي
:
وأحذر تخاوي من شبه نافخ الكير=وأحرص على دينك ليوم الزوالي
:
يا حي خالي .. قلتها دون تفكير=من حر مابي كن في الجوف صالي
:
ليت العمر يفدى وحنّا له نصير= لكن حكم الله مابه مجالي
:
الناس تحسب دمعتي دون تبرير=وأن البكاء ماهو سنع للرجالي
:
يحرم علي مسح الدموع المحادير=مادامها هلّت على شان غالي
:
"خالي توفّى والبقى في المناعير"=من قالها لي قلت : " ما مات خالي "
::
إننا لله وإنا إليه راجعون ..
ماجــد المـــري
:101: