][][ SiCK_LOvE ][][
19-02-2007, 06:29 PM
http://www.alraidiah.org/up/up/16871524920070113.gif
بسم الله الرحمن الرحيم
شلونكم اخواني واخواتي الاعضاء والمشرفين مرتاحين انشالله بهالمنتدى الطيب اللي جمعنا فيكم
عندي شوي مواصفات حلوه و خفيفه انشالله تتقبلونها و تعجبكم وانشالله الكل يتبعها لانها برايي مواصفات حلوه واللي يتبعها انشالله ما راح يلقى مشاكل لانها راح تحبب الكل فيه وعلشان ما اطول عليكم
نبدأ بسم الله :
1 – حاول ان تكون علاقتك طيبه مع كل اللي حولك وعاملهم مثل ما تحب انهم يعاملونك وهذا اهم شي ولا تخلي الاسباب التافهه واللي ما تستاهل تبعد بينك وبين الناس اللي تعزهم بهالمنتدى ولا تكون عصبي ونفسك بخشمك وانا متاكد ان مافي احد يحب المتكبر
2 – حاول انك تدور وتكتشف المواضيع المفيده والهادفه واللي تكون من صالحك عندنا وعند رب العالمين اللي راح يجازيك عليها لان لو حتى محد قرأ موضوعك اجرك عند الله ما يروح لانك حاولت تنشر الفايده والكلام الطيب
3 – لازم تدور المشاركات والمواضيع المفيده وتشارك فيها واقصد بهالكلمه ان ما تكون مشاركتك شكر وتطلع وكلنا ملاحظين ان البعض يدش ما يتفاعل مع المشاركه للأسف يشكر ويطلع والمطلوب التفاعل بالرد على المشاركه لان مثل ما انت تحب الناس تتفاعل مع مواضيعك لازم تسويلهم نفس الشي
4 –حاول انك تجذب العضو من خلال عنوان المشاركه وتخليه يقراها غصب بأسلوبك بكتابتها ولو تختصر اكييد محد راح يتعب في انه يقرأ مواضيعك لان لو اختصرت راح تعطي العضو فرصه انه يرد على باقي المشاركات وبهالطريقه تكون سويت خير له وللمنتدى
5 - لا تسكت عن حقك اذا احد غلط عليك او كدر خاطرك و ما اقصد انك تتهاوش معاه وتسوي مشاكل بالمنتدى لأ في مشرفين وفي مشرف عام ممكن انك تشتكي عندهم ولا تنسى ان في منتدى للأقتراحات والشكاوي تقدر تشتكي فيه وانشالله ان راح يوصلك حقك كامل لكن اذا كبرت المشكله راح تتحاسب معاه
6 – المشاكل وارده ولازم تصير بكل مكان حتى بين الاخوان وانا قلت اخوان لان علاقتنا ببعض الحمدلله علاقة اخوه مو صداقه وبس لكن الانسان الطيب واللي يحب يذكرونه بالخير اللي يعرف يتعامل مع هالمشكله وما يكبرها ويبدأ هو بالاعتذار شفيها يعني اذا اعتذت والله ما راح ينقص من كرامتك شي بالعكس والله تكبر بعين الكل و واعتقد ان محد يخالفني الراي بهالمسأله
7 – لا تخلي المنتدى او الانترنت بشكل عام يسوي حاجز بينك وبين ربك واقصد بهالشي الصلاه يا اخوان وانا والله ما اتهم احد و انشالله ان الكل يصلي بس اللي بقوله الصلاة يا جماعه لازم نعطيها حقها لان الانسان عمره يمشي ومحد يدري متى يموت وانتي عارفين ان اللي يموت وهو ساجد احسن من اللي يموت وهو على كرسي الكمبيوتر ولا تنسون ان الصلاه هي اللي تميز المسلم عن الكافر وانشالله ان كلنا مسلمين ونفس الكلام ينطبق على الدراسه
8 – حاول قد ما تقدر انك تلتزم بالانظمه والقوانين اللي يفرضها عليك المنتدى لان اللي حط هالقوانين ما حطها من راسه لأ اللي يحط قوانين بمكان يكون عارف اللي قاعد يصير وعارف شي حنا ما نعرفه يعني لازم نلتزم بكلامه و اصلا صدقوني والله اذا التزمنا بهالكلام تكون علاقتنا مع بعض كلها احترام ومحبه
9 – لا تتردد ابدا انك تستفسر او تقترح عن شي انت ما تعرفه لان هذا يحميك من انك تسوي اخطاء انت ما تدري من الاساس انها اخطاء وابواب المنتدى مفتوحه للكل واقتراحاتكم وآرائكم تستقبلها الاداره وماتقصر
10 – لازم تكون نشيط وتنتقل بكل المنتديات وتحاول انك ترد على كل المشاركات المفيده الموجوده واذا ما قدرت حاول على الاقل تقرأ المشاركات لان هالشي لك وتاكد ان محد مستفيد غيرك انت في انك توسع مداركك
11 – حاول تعطي المنتدى حقه من وقتك يعني ما يكون وجودك مثل عدمه واللي اقصده ان طول فترة وجودك بالمنتدى حاول تفكر بشي مفيد او موضوع زين تقدر تطرحه على اخوانك وراح ابدأ اذكر اهداف بعض الاقسام و المنتديات ومجالاتها علشان اللي مايعرف يعرف الحين
12 – المنتدى العام : تاكد ان الهدف الاساسي من هالمنتدى انك تستفيد وتعرف وتسأل عن الاشياء اللي انت تبيها واللي تفيدك بحياتك واذا ما فادتك الحين تفيدك بعدين والكل يتمنون يساعدونك
13 – المنتدى الاسلامي : طبعا مو لازم اشرح الهدف منه ولان الكل عارف ان هالمنتدى يخص دينا وشريعتنا ولازم نعرف امور ديننا علشان نعرف نعبد الله مثل ما هو يبي مننا ان نعبده والحمدلله ان تسخرت لنا هالاشياء اللي ممكن نستفيد منها ومنها الانترنت اللي يخلينا نقدر نسأل عن اللي نبي نعرفه بهالدين الحنيف
14 – منتدى الاصدقاء : هالمنتدى مهما اقولكم ما تتصورن والله شكثر ممكن يزيد محبتك بالاعضاء اللي حواليك لانك ما تتصور فرحة العضو لما احد يرحب فيه او يمدحه او يهنيه او يعزيه
15 – منتديات الشعر : الكل عارف ان الشعر من لغتنا العربيه وانتو لما تدخلون وتقرون من هالكلام اللي يريح القلب راح تستمتعون فيه و ونفس الشي لما تقرون الخواطر اللي كاتبينها اخوانكم والقصص اللي منها ممكن تآخذ عبرة من غيرك
16 – منتديات تقنية المعلومات : لازم تدخل كل هالاقسام بدون استثناء علشان تحمي جهازك من خلال منتدى الكمبيوتر والانترنت و تتفنن بمنتدى التصميم وتطلب التواقيع اللي تبيها وبمنتدى الهواتف ممكن تعرف أي شي عن الهواتف وملحقاتها هناك .
17 – منتدى الرياضه : تقدر تتعابع فيه كل شي عن الرياضه و كل الرياضات ممكن تستفسر وتسأل عنها وتقدر تطلب صور لاعبك وتشوف اخبار الأنديه بهالمنتدى الحلو
18 – منتدى الالعاب والتسليه : تقدر تسلي نفسك فيه اذا كنت فاضي ورديت على كل المشاركات المفيده
19 – منتدى الاقتراحات والشكاوي : تقدر تستفسر فيه او تسأل عن المشكله اللي تواجهك بدخولك المنتدى وتحط اقتراحاتك اللي تحس انها مفيده
هذا اللي عندي سامحوني ادري طولت عليكم بس حبيت اني اوريكم اهداف هالمنتديات كلها علشان تكون عندكم فكره عنها وتقدرون تكونون مميزين وبتميزكم يكون منتدانا من المنتديات المميزه والكبيره و انشالله اللي راح يلتزم بهالكلمات هذي راح تأثر عليه تأثير حلو وتكون الفايده للكل انشالله
والمجال مفتوح للنقاش
وشكرا ...
اخوكم : ســـــيـــــك
:101:
بسم الله الرحمن الرحيم
شلونكم اخواني واخواتي الاعضاء والمشرفين مرتاحين انشالله بهالمنتدى الطيب اللي جمعنا فيكم
عندي شوي مواصفات حلوه و خفيفه انشالله تتقبلونها و تعجبكم وانشالله الكل يتبعها لانها برايي مواصفات حلوه واللي يتبعها انشالله ما راح يلقى مشاكل لانها راح تحبب الكل فيه وعلشان ما اطول عليكم
نبدأ بسم الله :
1 – حاول ان تكون علاقتك طيبه مع كل اللي حولك وعاملهم مثل ما تحب انهم يعاملونك وهذا اهم شي ولا تخلي الاسباب التافهه واللي ما تستاهل تبعد بينك وبين الناس اللي تعزهم بهالمنتدى ولا تكون عصبي ونفسك بخشمك وانا متاكد ان مافي احد يحب المتكبر
2 – حاول انك تدور وتكتشف المواضيع المفيده والهادفه واللي تكون من صالحك عندنا وعند رب العالمين اللي راح يجازيك عليها لان لو حتى محد قرأ موضوعك اجرك عند الله ما يروح لانك حاولت تنشر الفايده والكلام الطيب
3 – لازم تدور المشاركات والمواضيع المفيده وتشارك فيها واقصد بهالكلمه ان ما تكون مشاركتك شكر وتطلع وكلنا ملاحظين ان البعض يدش ما يتفاعل مع المشاركه للأسف يشكر ويطلع والمطلوب التفاعل بالرد على المشاركه لان مثل ما انت تحب الناس تتفاعل مع مواضيعك لازم تسويلهم نفس الشي
4 –حاول انك تجذب العضو من خلال عنوان المشاركه وتخليه يقراها غصب بأسلوبك بكتابتها ولو تختصر اكييد محد راح يتعب في انه يقرأ مواضيعك لان لو اختصرت راح تعطي العضو فرصه انه يرد على باقي المشاركات وبهالطريقه تكون سويت خير له وللمنتدى
5 - لا تسكت عن حقك اذا احد غلط عليك او كدر خاطرك و ما اقصد انك تتهاوش معاه وتسوي مشاكل بالمنتدى لأ في مشرفين وفي مشرف عام ممكن انك تشتكي عندهم ولا تنسى ان في منتدى للأقتراحات والشكاوي تقدر تشتكي فيه وانشالله ان راح يوصلك حقك كامل لكن اذا كبرت المشكله راح تتحاسب معاه
6 – المشاكل وارده ولازم تصير بكل مكان حتى بين الاخوان وانا قلت اخوان لان علاقتنا ببعض الحمدلله علاقة اخوه مو صداقه وبس لكن الانسان الطيب واللي يحب يذكرونه بالخير اللي يعرف يتعامل مع هالمشكله وما يكبرها ويبدأ هو بالاعتذار شفيها يعني اذا اعتذت والله ما راح ينقص من كرامتك شي بالعكس والله تكبر بعين الكل و واعتقد ان محد يخالفني الراي بهالمسأله
7 – لا تخلي المنتدى او الانترنت بشكل عام يسوي حاجز بينك وبين ربك واقصد بهالشي الصلاه يا اخوان وانا والله ما اتهم احد و انشالله ان الكل يصلي بس اللي بقوله الصلاة يا جماعه لازم نعطيها حقها لان الانسان عمره يمشي ومحد يدري متى يموت وانتي عارفين ان اللي يموت وهو ساجد احسن من اللي يموت وهو على كرسي الكمبيوتر ولا تنسون ان الصلاه هي اللي تميز المسلم عن الكافر وانشالله ان كلنا مسلمين ونفس الكلام ينطبق على الدراسه
8 – حاول قد ما تقدر انك تلتزم بالانظمه والقوانين اللي يفرضها عليك المنتدى لان اللي حط هالقوانين ما حطها من راسه لأ اللي يحط قوانين بمكان يكون عارف اللي قاعد يصير وعارف شي حنا ما نعرفه يعني لازم نلتزم بكلامه و اصلا صدقوني والله اذا التزمنا بهالكلام تكون علاقتنا مع بعض كلها احترام ومحبه
9 – لا تتردد ابدا انك تستفسر او تقترح عن شي انت ما تعرفه لان هذا يحميك من انك تسوي اخطاء انت ما تدري من الاساس انها اخطاء وابواب المنتدى مفتوحه للكل واقتراحاتكم وآرائكم تستقبلها الاداره وماتقصر
10 – لازم تكون نشيط وتنتقل بكل المنتديات وتحاول انك ترد على كل المشاركات المفيده الموجوده واذا ما قدرت حاول على الاقل تقرأ المشاركات لان هالشي لك وتاكد ان محد مستفيد غيرك انت في انك توسع مداركك
11 – حاول تعطي المنتدى حقه من وقتك يعني ما يكون وجودك مثل عدمه واللي اقصده ان طول فترة وجودك بالمنتدى حاول تفكر بشي مفيد او موضوع زين تقدر تطرحه على اخوانك وراح ابدأ اذكر اهداف بعض الاقسام و المنتديات ومجالاتها علشان اللي مايعرف يعرف الحين
12 – المنتدى العام : تاكد ان الهدف الاساسي من هالمنتدى انك تستفيد وتعرف وتسأل عن الاشياء اللي انت تبيها واللي تفيدك بحياتك واذا ما فادتك الحين تفيدك بعدين والكل يتمنون يساعدونك
13 – المنتدى الاسلامي : طبعا مو لازم اشرح الهدف منه ولان الكل عارف ان هالمنتدى يخص دينا وشريعتنا ولازم نعرف امور ديننا علشان نعرف نعبد الله مثل ما هو يبي مننا ان نعبده والحمدلله ان تسخرت لنا هالاشياء اللي ممكن نستفيد منها ومنها الانترنت اللي يخلينا نقدر نسأل عن اللي نبي نعرفه بهالدين الحنيف
14 – منتدى الاصدقاء : هالمنتدى مهما اقولكم ما تتصورن والله شكثر ممكن يزيد محبتك بالاعضاء اللي حواليك لانك ما تتصور فرحة العضو لما احد يرحب فيه او يمدحه او يهنيه او يعزيه
15 – منتديات الشعر : الكل عارف ان الشعر من لغتنا العربيه وانتو لما تدخلون وتقرون من هالكلام اللي يريح القلب راح تستمتعون فيه و ونفس الشي لما تقرون الخواطر اللي كاتبينها اخوانكم والقصص اللي منها ممكن تآخذ عبرة من غيرك
16 – منتديات تقنية المعلومات : لازم تدخل كل هالاقسام بدون استثناء علشان تحمي جهازك من خلال منتدى الكمبيوتر والانترنت و تتفنن بمنتدى التصميم وتطلب التواقيع اللي تبيها وبمنتدى الهواتف ممكن تعرف أي شي عن الهواتف وملحقاتها هناك .
17 – منتدى الرياضه : تقدر تتعابع فيه كل شي عن الرياضه و كل الرياضات ممكن تستفسر وتسأل عنها وتقدر تطلب صور لاعبك وتشوف اخبار الأنديه بهالمنتدى الحلو
18 – منتدى الالعاب والتسليه : تقدر تسلي نفسك فيه اذا كنت فاضي ورديت على كل المشاركات المفيده
19 – منتدى الاقتراحات والشكاوي : تقدر تستفسر فيه او تسأل عن المشكله اللي تواجهك بدخولك المنتدى وتحط اقتراحاتك اللي تحس انها مفيده
هذا اللي عندي سامحوني ادري طولت عليكم بس حبيت اني اوريكم اهداف هالمنتديات كلها علشان تكون عندكم فكره عنها وتقدرون تكونون مميزين وبتميزكم يكون منتدانا من المنتديات المميزه والكبيره و انشالله اللي راح يلتزم بهالكلمات هذي راح تأثر عليه تأثير حلو وتكون الفايده للكل انشالله
والمجال مفتوح للنقاش
وشكرا ...
اخوكم : ســـــيـــــك
:101: