روايه قمه في الروعه ..

[$ ضي القمر $]

سلام الله عليكم يا غااااااااااااليات:noo:
انا شفت الناس طايحين في تاليف القصص قلت ياله ماراح أبخل على منتداي
الغالي بهذي الروايه القمه في الروعه
عموما اخليكم تقرونها وانتم وارائكم اللي
متاكده انها راح تكون صريحه هههههههههه
تفضلو تعرفوا على الشخصيات .......


عائلة ابو خالد
الاب سعيد: الاخ الكبير شخص طباعه حاده مع
الناس لاكن مع عياله جده غير هههههه نكمل
طيب بشكل كبير باستثناء ولده الكبير خالد ومدلع بناته على الاخر
متقاعد
الام فاطمه: انسانه انانيه متكبره شخصيتها قويه وابو خالد مايرد كلمتها وتكره اهل
زوجها
خالد: الولد الكبير (35سنه)جذاااااب و انسان طيب
وحنون بس اذا عصب ماحد يقدر عليه يحب وحده يقدم سعادة الغير
على سعادته واكثر اوقاته يقضيها في بيت عمه ابو مشعل المشكله
الوحيده في حياته تجاهل ابوه له وعدم اهتمامه فيه
احمد):32سنه) متقلب المزاج شخصيه غامضه متزوج وحده
من قرايبه عنده ولدين سعيد (3سنوات) سعود(سنه ونص)
محمد28) انسان مغرور اناني يفتعل المشاكل مع اخوانه
متزوج من بنت خاله و عنده ولد عبدالله (سنتين)
منيره: (31سنه) حنونه على اخوانها بالذات خالد متزوجه
وعمرها 18 ومشاكل زوجها ما تخلص وعندها ولدين وبنت
عمر(11سنه) وعامر(9سنوات) وعبير(6سنوات) زوجها فهد راعي شرب وخمر
حنان: (26سنه) اخر العنقود دلوعه وتكره بنت عمها مرام وكانت تحب مشاري ولد عمها


[center]
عائلة ابو مشعل:
الاب ابراهيم: شخص طيب بقوه متسامح وكريم يحب زوجته
وعياله ولا يرد لاخوه الكبير طلب
صاحب شركه
الام نوره: انسانه حبوبه وطيبه تبعد عن المشاكل
مشعل: (29سنه) مهندس يشتغل مع ابوه شخصيته
بتعرفونها مع الاحداث
مشاري: (27سنه) ماكمل دراسته خلص من الثانويه
والتحق بالعسكريه مايواطن شيء اسمه دراسه حبوب ويحب الضحك
والجلسه معاه ماتنمل متزوج بنت خالته ساره اللي يحبها وعندهم بنتين
رغد (سنه ونص)وربى(3شهور)
مرام: (25سنه)جميله جداااا طيبه وعلى نياتها وتحب ولد
عمها بس محد يدري وما عندها غير صديقه وحده وصداقتهم
قوييييييييييييييه
عبدالعزيز: (22سنه)يدرس بجامعة البترول والمعادن
ملقوف وحبوب وهواش 24 ساعه مع اخته رنيم لانه يحب ينرفزها[
/center]
ياسر: (20سنه)يدرس بكلية الملك فهد الامنيه بالرياض
يفرض شخصيته بالمكان اللي يكون فيه واجتماعي ودائما مع ولد عمه تركي
رنيم: (18سنه)حلوه و خبله ومربوووووشه وتسوي نفسها
دلوعه وهي بعيده عن الدلع تدرس ثالث ثانوي و24 ساعه
عالتلفون مع صديقتها مها اللي مربوشه زيها وكل اهتمامهم بالكووووووووره

وتحب ولد عمها تركي

عائلة ابو تركي:
الاب سلمان : الاخ الاصغر وطيب زي اخوه ابراهيم وهو شريك اخوه بالشركه
الام نوف: اجتماعيه وطيبه جدا مع الكل وعلاقتها قويه بأم مشعل
تركي: (20سنه) يدرس مع ولد عمه ياسر ودائما معاه
وسيم بمعنى الكلمه ويحب بنت عمه رنيم
زهور: (18سنه) هي وبنت عمها رنيم فوله وانقسمت
نصين كانهم توأم حلوه مرررره بس تجي بعد مرام بالجمال




[center][center]
اليوم الأحد الساعة 2ونص الفجر
"تصدق كلمة أحبك وأحبك حيل ما تكفي انا ودي بكلمه
مالفظها بالبشر غيري تعبر لك عن احساسي تبين منتهى وصفي تبين
لك غلاك اللي مايكفيه تعبيري دخيلك شق صدري وشف وش لك
داخل ضلوعي وربي بتدمع عيونك بحب عنه ما تدري"[

/center]
كان خالد يقرا هالرساله ويبغى يرسلها بس ما قدر يحبها بشكل
كبير يبيها تعرف وش كثر يحبها بس خايف انها ترده, لما وصل لرقم جوالها طار من الفرحه .
اخيرا قفل الرساله ورمى الجوال على السرير وقام يبغى يشرب
ماء لما نزل للمطبخ دق جرس الباب قال في نفسه من اللي جاي
بهالوقت طلع للحوش وفتح الباب ,فجأه طاحت بين ايديه وهي تبكي
وتصيح والدم مغطي وجهها وتصارخ وتقول بيذبحني بعدوه عني
منيره كانت طايحه بحظن اخوها وحالها يكسر الخاطر, مسكها
خالد ودخلها للبيت بسرعه وهو يهدي فيها عشان يفهم وش
السالفه,,اول ماجلست على الكنبه نزل ابوها وامها ....


[center]
ابو خالد وهو مصدوم: منيره .... من سواء فيك
كذا؟؟؟؟
منيره وهي تبكي: فهـ....ـد فهد كان يبغى يذبحني..[/
center]
ام خالد وهي معصبه: وليه يمد يده ياجعل يده الكسر

منيره تحاول تمسك نفسها :كالعاده جاي وهو واصل حده من
كثر ماشرب ولا هو واعي لنفسه

شافني نايمه .......... قام وجرني من شعري وهو يقولي:من اللي كان عندك والله لاذبحك انتي وياه........ ورجعت تبكي..
خالد هنا عصب وصل حده: والله لاذبحه الحقير السافل..[/
center]
طلع خالد وهو معصب ويركب سيارته ويسوق بسرعه جنونيه لما
وصل لبيت اخته لقى الباب مفتوح وفهد طايح على الارض ونايم دخل
ومسك فهد من كتفه وسحبه ورماه على الارض

ويسحبه مره ثاني وفهد كان يترنح ...
خالد يوقف فهد ويمسكه من رقبته ويصفقه كف يرميه على الارض ويصرخ عليه:
اصحى ياحيوان اصحى ياتافه... ويرفع وجه فهد ويقوله :انت كفو
تمد يدك على اختي انت كفو
والله لاخليك تندم على انك مديت يدك والله لانسيك اسمك
والله لانسيك حليب امك.....
فهد هنا كان في عالم ثاني مايدري يضحك ..يبكي..مايدري
وين الله حاطه...
خالد هنا طاح فيه ضرب لحد ما وصل حسهم للجيران اللي بلغو
الشرطه
بعد ربع ساعه من المعركه اللي صارت وصلت
الشرطه......
طبعا الشرطه اخذت خالد وفهد للمركز وراح ابو خالد وولده
احمد لبيت منيره واخذو عيالها
معاهم...

في مركز الشرطه
كان خالد محطوط بالحجز وفهد راح للمستشفى لان خالد كسر
يده غير الجروح اللي جته وبعض الرضوض..
وصل ابوخالد للمركز ودخل على
الضابط...................................

تبون تعرفون وش راح يصير ردو علي عشان اعرف اذا عجبتكم ولالاأكمل
او لا هذي كانت بس البدايه..................


تقبلو تحياتي ودمتم بخير

[$ ضي القمر $]

إذا شفت ردود حلوهـ بكمل الروايه ..
لا تفشلووني عااااد ..

[نجم]

واصلي ياضي القمر واصلي

روايه رائعه واتمنى أن تجد مكان هنا

شكرا وبالله التوفيق ..

[حنين]

http://www.alraidiah.com/vb/uploaded/mals.gif




ننتظر البقيه






http://www.alraidiah.com/vb/uploaded/mals2.gif

[مطنوخ شمر]

شوفي لا يكون مقلب ؟؟؟ تراني بذبحك

أبي كمالة للقصة توني أندمجت يالله بسرعة

[$ ضي القمر $]

مشكووورين على المرور نجم وحنين ..
أخوي مطنوخ شمر ..
لا عاد مو أول موضوع لي يطلع مقلب ...
و بكملها علشانكم ..
الحين أنزله ...
ثواااااني بس ..

[$ ضي القمر $]

جيت وكملتها ياله نبدأ.........






اول ما وصل ابو خالد لمركز الشرطه وقابل
الضابط............
ابو خالد: والحين فهد وين هو فيه؟
الضابط: فهد حولناه للمستشفى لان الجروح اللي فيه والكسر اللي
جاه اضطرنا انا نحوله للمستشفى وبعدين نحوله للتحقيق...

اما خالد .....ابو خالد قاطع الضابط .......

ابو خالد: خله يخيس في الحجز هذا ما يستحي فشلنا قدام الناس صحيح
فهد غلط على بنتي بس هذا فشلنا..........
الضابط يقاطع ابو خالد: بس أي واحد مكان خالد ايد راح يسوي
كذا هو غلط بس ماراح يلومه احد " الضابط تعاطف مع خالد واستغرب هجوم
ابوه عليه وكلامه الجارح بحق ولده .. وكان الضابط محتار... معقوله
في اب يقول عن ولده كذا"
ابو خالد: اجل انا بروح واذا جبتوا فهد وانتهيتو من التحقيق معه بلغوني....
الضابط: طيب وخالد ماراح تطلعه او حاب تشوفه...
ابو خالد: لا لا خله يخيس عندكم بالحجز ... اللي بالحجز كفوه .. لا ابي اشوفه ولا اطلعه....
الضابط باستغراب يسألأ ابو خالد ويبي يتاكد من شيء: ابو خالد....
ابو خالد: هــــــــلا
الضابط : خالد ولدك؟؟؟
ابو خالد: ايه وياليته ماكان ولدي ....... والمصيبه انه ولدي البكر....
وطلع ابو خالد وهو يتمتم بكلام اللي انفهم منه انه كان يسب ولده خالد ويدعي عليه....
غريب في اب يقول هالكلام عن ولده....؟؟؟؟؟؟؟؟


الساعه 6 الصباح في بيت ابو مشعل
ام مشعل: رنييييييييييييم قومي بسك نوم مابقى وقت على ماتصحين وتغسلين
وتلبسين وتعدلين خشتك صارت الساعه 8 يااااااااله قومي..
رنيم: ايوه لحظه .. يمه بس لحظه.. تكفين.. خليني اشوف وش بيصير

ام مشعل: اقول قومي لاوالله بكاس ماء بااااااااااارد عليك
رنيم: يوووووه بس خلااااااص حتى الحلم الواحد مايقدر يكمله.....اف خلاص قمنا
ام مشعل: يالله لك الحمد حتى الحلم عندك له تكمله...يامثبت العقل والدين ..
ياله قومي خلي عنك الهذره الزايده. رنيم تمشي وهي تتمااايل
رنيم :يمـــــــــــــــــه
ام مشعل:هااااااااااااااااااااااه
رنيم: يمه عزيز قام من النوم والا باقي
ام مشعل: لا باقي عنده محاضره الساعه 10
رنيم بصوت واطي والله مااخليه يتهنى ....ليه انا اقوم من الصبح وهو لا
اوريه...
ام مشعل:وش تقولين؟
رنيم: لا بس اقول مرام صحت والا باقي ابيها في شيء مهم...
ام مشعل: وش تبين فيها خليها نايمه.
رنيم: معصي احد يتهنى بالنوم وانا اللي صاحيه لحالي

نزلت ام مشعل عند ابو مشعل اللي جالس بالصاله يقراء الجريده وقعدو يتقهووون

رنيم بعد ما غسلت وخذت لها عشر دقايق عند الماء تغسل طلعت للصاله اللي
فوق وراحت للمطبخ اللي فيها وخذت لها كاااااااس ماء
كبيييييييييييييييييييييير وباااااااااااااااااارد وهي تضحك ضحكت ابليس
وتغني "هين هين يالضبان عفوا
هين هين ياعزوز " وصلت لعند غرفت عزيز اللي كانت مظلمه شوي
والتكييف على اخر درجه وشكل عزيز وهو نايم"نكته" نايم على بطنه
ورجل طايحه من جنب السرير واللحاف معتفس وحالته حاله والمخده
مرميه على الارض...المهم شكله خطيرررر مره..
رنيم بخبث: يااااااااازين الوضعيه
وجهزت المسجل ووطت على صوته عشان يكون جاهزولما
خلصت وجهزت كل شيء بداء صوت الاغنيه يرتفع على الاخر اللي
هزت معها جدران الغرفه وصوت عزيز ضايع معها...
عزيز: آآآآآآآآآآآآآآآآآآآآآآآآآآآآآآآآآآآآآه...آآآآآآآآآ آآآآآآآآآآآآآآآآح..
وجع وش ذا؟؟؟؟؟؟؟؟
رنيم من عند الباب وهي ميته ضحك: هاهاها تعيش وتاكل
غيرها يابو سعود
وراحت طيرااااااااااان لغرفتها وعزيز يلحقها بس مالحق عليها
وهو من وراء باب غرفتها : والله لوريك ياام كشه... رجع لغرفته وهو يتحلف فيها...
"عزيز اذا عزم على شيء وخطط له بينفذه وبطرق شيطانيه.....
وهنا رجعت رنيم تكمل شغلها وهي ميته ضحك على شكل عزيز لما
نط من سريره وهو يون من برووووودة الماء.
طلعت رنيم وراحت لغرفت مرام اللي كانت نايمه وشوي شوي تتسحب
وتدور وتحوس بين اغراض اختها وامها تصارخ من تحت لانها تاخرت
رنيم: اخيرا مابغيت القاه.........." كانت تدور على شريط راشد الماجد
الحل الصعب" وراحت تركض وخذت اغراضها وعباتها ونزلت وقطت
سلامها على الماشي لابوها وتوكلت الاخت وراحت لمدرستها..............


في مدرسة البنات الساعه 7الاثلث
مها"صديقة رنيم": رن رن هلا وغلا كل هالتاخير ليه ؟؟؟
رنيم :عشان هذا ياعيوني "وتطلع الشريط"
مها وهي تشهق وتفتح عيونها على الآآآآآآآخر: يوووووه ماتخافين يصير
تفتيش ويلقونه ثم تاكلينها ياحلوه
رنيم: هاهاهاهاهاهاها لا حبيبتي ماراح يصير واذا صار الله يخلي لنا ام
صالح كلها 5او 10 ريال وتسكت
"ام صالح هذي فراشة المدرسه تغطي على البنات بس بحساب"
مها : ياقوة عينك ... بس صدق انتي رهيييييييييييييييييييبه
رنيم: طبعا ياماما انا رنيم والاجر علىىىىىىىىىىىىىى الله

دق الجرس وصفوا البنات طابور وبدأ الروتين اليومي............
رنيم: يووووووووه بدأو اذاعتهم اللي ما ادري على أي اساس يسونها يااختي
حفظناها..
مها : عادي اسمعي واضحكي على اللي يصير من .... التأتأه واللي
وجهها يصير طماطه واللي ما تحفظ النشيد صح واللي تغيب وتورطهم ومن هالقبيل......
رنيم : هاهاها ايو الله صادقه هذي الحسنه الوحيده اللي بالاذاعه ...
خلصت الاذاعه وتوجهو للفصول وهم ميتين من الضحك على البنت
وما حفظت القصيده وقامت تبكي لانها نستها...... وبدت الحصص
"رنيم ومها على انهم مربوشات بس دواااااااااافير بالدراسه"



الحين نروح نشوف خالد في الحجز....
الضابط طلب من العسكري انه يجيب خالد من الحجز.. لما وصل خالد لعند الضابط....
الضابط: تفضل ياخالد..
جلس خالد وهو ميت من التعب وقلة النوم........
الضابط متعاطف مع خالد :تحب تشرب شيء او تاكل شيء
خالد: لا مشكور بس ابي اشرب ماء.
طلب الضابط ماء لخالد
وشرح الضابط الموقف اللي صار لخالد وكيف كان رد فعل ابوه طبعا خالد
ما استغرب من اللي قاله عشان كذا طلب من الضابط انه يستخدم التلفون.......
قام خالد واتصل ببيت عمه ابو مشعل..
ام مشعل: الووووو
خالد: السلام عليكم
ام مشعل: عليكم السلام
خالد: صباح الخير عمتي انا خالد
ام مشعل " تعز خالد" : صباح الخير ياهلا والله بخالد كيفك
خالد: بخير الحمد لله الا عمه عمي موجود
ام مشعل : ايه موجود لحظه اناديه لك.
ابو مشعل: هلا والله بخالد .. صباح الخير
خالد بصوت مخنوق: هلا والله بعمي كيف اصبحت
ابو مشعل: بخير وعافيه..
خالد: امممممممممم عمي ابي اطلبك اذا ما عليك كلافه
ابو مشعل: آآآآآمر وانا عمك
خالد: عمي انا في الحجز وبغيتك تجي عشان تكفلني واطلع....
ابومشعل مصدوم: وش تقول... وش حجزه... وش كفالته؟؟؟؟؟؟؟؟
خالد: عمي الله يطول عمرك بعدين افهمك بس والله خلااااص ما
اقدر ابي اطلع باسرع وقت من هنا.......
ابو مشعل : خلاص ابشر الحين اجيك بس انت باي مركز...
خالد قال لعمه هو في أي مركز وجلس ينتظر لين ما يجي........



انتظروني ودمتم بخير

[عسوووووووووووله]

سرد جميل للروايه


يعطيك العافيه ضي القمر با انتظار البقيه

[$ ضي القمر $]

شكرا لمرورج أختي عسوووله ..
أنتظر الباقي يرد علشان اكمل ..
ليش تقرأون الروايه و تروحون ؟؟؟؟
طيب ردوا ..
وش رح تخسرووووووون أبفهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بتتعب إيديكم يعني ؟؟؟؟
تعبوها علشاني <<< مصدقه نفسها ..
يللا بانتظاركم يا احلى و أجمل و أحسن أعضاء بكل المنتديات <<< يلعن أم المصلحه ..
يلااااااااااااا
ردوووووووووووا

[عاصفة الكبرياء]

قصه جميله وبنتظار البقيه

[$ ضي القمر $]

وشو هذاااااااااااااااااااا ؟؟؟؟؟؟؟؟؟
23 قراءه و 9 ردود بس ؟؟؟؟؟
ماني مكمله الروايه وانتوا بكيفكم ... <<< يعني زعلت .

[$ ضي القمر $]

ليش كذا انتوا ؟؟؟؟؟
والله ما اتوقعتها منكم ؟؟؟؟
عموما ..
على راحتكم ..
و خلاااااااااص ماني كاتبه مواضيع ثانيه ..

[الجوووري]

إلا بتكملينها وأنتي فتااااااة سنعـه ومطيعه


وتكتبين غصبن عنك.. :biggrin:


يالله عن الدلـع وكملي ..
:101:

[جوااهر]

قصة راااائعه كمليها


بانتظارك ضي القمر

[$ ضي القمر $]

خلااااااص
بكملها عشانكم بس ..
أتمنى أنكم تتابعونها ..

[$ ضي القمر $]

جبتلكم جزء جديد اتمنى يعجبكم
وأنا مطوله هذا الجزء عشان تكثر الردود
واخليكم معها









في ممرات المستشفى كان قلب منيره يفز من مكانه فجأه طاحت عينها
على آخر الممر شافت خيال يمشي كأنها تعرفه وكل ما قرب منها توضح
لها الصوره اكثر
هي تعرف هالخيال اللي عمره ما غاب عن بالها....فهد ايه فهد
نست منيره اللي سواه فيها لما شافته يمشي و2 من الشرطه يمشون
معه تقطع قلبها عليه...."منيره على كثر ماتعاني من فهد الا انه يظل
بنظرها زوجها وحبيبها وما يهون عليها وتصبر نفسها وتقول لا بد يجي
يوم وينعدل حاله وحتى فهد يحبها مووووت ويندم على اللي يسويه
معها بس كله من الشرب واللي يجلسون معه..... نكمل"

منيره تكلم اخوها احمد: احمد هذا فهد اللي واقف هناك؟؟
احمد : ؟؟ وينه؟؟ ايه هو الله لا يرده خليه يولي......
منيره خنقتها العبره من كلام اخوها وحال زوجها......
ورجعت مع اخوها للبيت عند امها.......بعد ما خلصو من الإجرااااءات ومع الشرطه لان الدكتور اللي شاف منيره قال هذا حال
اعتداء ولازم من التحقيق.... احمد انهى كل شيء بسرعه
خصوصا بعد ماقالهم ان اللي ضربها خلاص هو عند الشرطه ..

ام خالد: هاه ياحمد وانا امك بشر وش قالو عن اختك.......
احمد :يمه .....سلامتك مافيها الاشوية رضوض وبتتعافا ان شاء الله بسرعه....
منيره مشت وراحت فوق عيالها اللي ماراحو لمدارسهم.......



وفي بيت ابو مشعل كانت ام مشعل بدات معركه
جديده مع عزيز عشان يقوم
ام مشعل: يوووووه ياعزيز حرام عليك قوم وانا امك تعبت وانا
اصحي فيك
متى بتقوم الحين الساعه 9
عزيزوبعد طلعت روووح مابغى يصحى
عزيز:امممممممممممم طيب خلاااص يمه الحين بقوم ياله....
قام عزيز وخذاله شور سريع ولبس ملابسه وخذا كتبه ونزل يفطر مع
امه اللي كانت جالسه مع بنتها مرام...
عزيز: صباح الخير على الحلوين وحب راس امه وقعد جنبها.......
ام مشعل : حدد من الحلوه فينا...... اذا قلت انا قلت انك
كذاااااب لاكن ان قلت مرااااام بقول في هذي والله انك صادق...
عزيز: لا لا لا مراااااام غير ما بقول في حلااااها شيء
مرام انحرجت من امها واخوها صحيح ان عزيز اصغر منها بس هي
تنحرج من أي احد حتى لو كان طفل
عزيز+ام مشعل يضحكون على مرام:ههههههههههههههه

عزيز: يمه.....
ام مشعل: ها يمه...
عزيز: رنيم متى ترجع من المدرسه؟
ام مشعل باسغراب: الساعه 1ونص ليه؟؟؟؟؟
عزيز: آآآآآآآآه ... لا ابد سلامتك بس قلت يمكن امر
عليها واجيبها معي اليوم
ام مشعل : انت تجيبها... ومحاضراتك؟؟
عزيز: ابد انا ماعندي الا محاضره وحده بس ...والحين استأذن..... الا مراااامو
ما تامرين على شيء اجيبه لك..
مرام واخيييييييييرا بتتكلم: ابد .... سلامت قلبك
عزيز: ياله في امان الله
ام مشعل +مرام:في حفظه ورعايته.......


وصل ابو مشعل للمركز ودخل على الضابط .......
ابو مشعل :السلام عليكم
الضابط: وعليكم السلام
ابو مشعل: انا ابراهيم ال.. عم خالد
الضابط : ياهلا والله تفضل ارتاح
جلس ابو مشعل وطلب من الضابط يشرح له اللي صار وقاله الضابط
كل شيء
ابو مشعل :حسبنا الله ونعم الوكيل......... هالفهد ما يجي
منه الا المشاكل
وقال بينه وبين نفس"الله يسامحك يامنيره يابنت اخوي لو مانتي تبينه
والا كان ارتحنا منه ومن مشاكله....... قال للضابط: اقدر
اشوف خالد الحين
الضابط : اكيد.. اكيد.. وطلب من العسكري انه يجيب خالد
لهم....
ظل ابو مشعل يتكلمون لحد ما طق الباب ودخل عليهم.....خالد ..
خالد اول ماشاف عمه تحجرة الدموووع بعينه ويقول بنفسه آآآآآآآآآآآه ياعمي ياليتك كنت ابوي.......
ابو مشعل اللي قلبه تقطع على ولد اخوه وكان شكله مره تعبان ..
وقام وخذاه بحضنه
كانت دمعة خالد بتنزل اكيد بس هو مسكها وحبسها
انتهى الموضوع مع خالد خصوصا بعد ما رجع فهد وبداؤ التحقيق معه
وتنازل عن خالد لاكن فهد موضوعه مانتهى لانه ممكن يدخل السجن
لانها مش اول مره ........:

طلع ابو مشعل من المركز ومعه خالد.......
ابو مشعل: الحمد الله عالسلامه
خالد وهو يجبر ابتسامه على انها ترسم في وجهه:الله يسلمك...
ابو مشعل شاف الهم اللي بوجه وخالد وحس انها بسبب ابوه: خالد
وانا عمك هونا وتهون.... انت الحين تجي معي البيت وترتاح
وتاخذ لك شور وتاكلك لقمه وتنام وبعدها ربك يحلها....
خالد: الله يعين بس والله ما ودي اكلف عليكم
ابو مشعل حب يلطف الجو ويبي ينكت: اذا على الكلااااف انت
مكلف من زمان لازق عندنا لزقه
خالد : والله اني عارف بس وش اسوي مالي الا انتم ياعمي

ابو مشعل: افا عليك انت لو تامر على البيت واهلها يرخصون لك
وانا عمك تراك غالي........
ركبوا السياره ومشوا وظلوا يتمشون فيها لحد ما اذن الظهر وقفوا عند
مسجد ونزلوا يصلون وبعدها راحوا للبيت...............

في بيت ابو مشعل كانت ام مشعل حايسه في المطبخ وتجهز للغداء
اللي عطاها ابو مشعل خبر ان خالد بيتغداء عندهم اليوم...
وقفت عند الباب وتطالع امها بنظره فيها من الدلع اشكااااال والواااان
"مرام دلعها من الله يعني ما تتصنع الدلع...الدلع مخلوق منها
وفيها..وبعفويه"
مرام : يمه
ام مشعل: هاه يمه
مرام : محتاجه شيء اساعدك فيه...
ام مشعل: لا يمه ...بس روحي وكلمي زوجة اخوك خليها تجي
بدل ماهي قاعده لحالها.... مشاري بدوامه مرابط الله يعينه..
"مشاري طبعا عسكري.. يعني لازم من فتره والثانيه يرابطون
حسب الظرووف"

مرام :ان شاء الله....
راحت مرام للصاله واتصلت بساره زوجة مشاري
ساره :الووو
مرام:السلام عليكم
ساره: عليكم السلام هلا وغلا ياحيا الله هالصوت وراعيته
مرام:الله يحييك يام رغد
ساره :هلا والله بدلوعة البيت
مرام: هلا فيك .......الله يسامحك الحين انا دلوعه
ساره: احمد ربك الوحده تتمنى تكون دلوعه...
مرام : بس انا ما ابي
ساره: والله انك دلوعه واحلى دلوعه........تدرين مشاري يقول ان الدلع مايطلع حلو الا منك انتي .....
مرام : يخليه ربي ........الله يحفظه
ساره : آآآآآآآآآآآآآآمين... بس هي انتي ترى بديت اغار منك...
مرام+ساره:ههههههههههه
مرام: المهم لا تنسيني اللي ابي اقوله شيلي نفسك وبناتك وتعالي
تغدي عندنا مادمتي قاعده لحالك......
ساره : طيب بس...... مراااام حبوبه .....
مرام : ادري ...وتقلد ساره"مراااام حبيبتي تعالي ساعديني
وشيلي وحده من البنات"..صح
ساره : الله عليك والله انك صادقه..
مرام: طيب خلاص ربع ساعه وانا عندك بس ابدل ملابسي
ساره : اوكي
مرام : باي
ساره : باي

طلعت مرام لغرفتها وطلعت ملابسها وخذت لها شور عالسريع ولبست
ورشت لها عطر كانت لابسه تنوره جينز مع بلوزه حمراء ورفعت
شعرها اللي تناثر منه خصل داير مادار وجهها لانها من يومين قصته
شلال وطلعت جنان مع هالقصه....
نزلت وراحت قالت لامها... مشاري طبعا ساكن جنب ابوه الفيلا
حقته بنفس الحوش مع فيلاة ابوه بس في جدار يفصل بينهم وفي
هالجدار باب ...
طلعت مرام للحوش وهي طالعه طاحت عينها بعين شخص ياما فكرت
فيه..ياما انشغل بالها عليه...ياما تمنت تصرخ للعالم وتقول انها
تحبه..كل عرق بجسمها ينبض بقولة احبه ..كان حبه يجري مع الدم
بعروقها...انتبهت لنفسها وهي بنص الحوش وهو كان واقف عند
سيارة ابوها اللي سبقه ودخل للبيت..وراحت تركض لحوش
اخوها ...عرفتوووووه؟؟؟؟؟

في الجهه الثانيه كان واقف ولا حس بشيء خالد اللي ماكانت الدنيا
سايعته من الفرحه ..نسى التعب اللي فيه نسى كل هموم
الدنيا....... اخيرا شفتها ..اخيرا هي قدام عيني ..اخيرا كان
وده بلحظه يوقف فيها الزمن ويختفي كل شيء حولهم وما يبقى غيره
هو معها بس عشان يقولها وش كثر يحبها.. وش كثر غلاااااهابقلبه
كان وده يقول لها ....أحبك يابنت عمي ......وبس
بس هو انتبه للموقف اللي هم فيه ونزل راسه واختفت عن عينه وهي
تركض....

دخلت مرام على ساره وهي تتنفس بقوه ووجهها احمممممر وقلبها ينبض
بقوه...
ساره : مرااااام وش فيك وش في وجهك كذا؟؟؟
مرام: هاه ....لا ابد سلامتك بس تعرفين شمس وجيت اركض...
ساره اللي ما اقتنعت: ايوووووااااااااه ....طيب
مرام : وين رغودي ....انا بشيل رغد واروح عنكم....
شالت مرام رغد وباسته بكل حنيه وابتسمت ابتسامه خياااااااااااااليه
ساره تطالعها:خذيها تهني فيها ......... عقبال ما نشوف رغود الخاصه فيك....
مرام باحراج الكون اللي جاها وبصوت مهموس: ان شاء الله.
ساره ماتت من الضحك على مرام وطلعو مع بعض ودخلو البيت..

عند مدرسة البنات ... الساعه 1ونص الظهر
عزيز كان واقف عند بوابة المدرسه ومتسند على سيارته البي ام ...ينتظر رنيم تطلع..وهو يضحك ..يتخيل ردة فعل رنيم لما تشوفه.......

رنيم كانت مع صديقتها مها يسولفون وهم يلبسون عباياتهم واتفقوا انهم
يكملون كلامه على التلفون "ما يشبعون من بعض"..........
رنيم: ياله مها ... سي يو؟
مها : تكفين ياللغه ....ياله بااااااي؟
طلعت رنيم واللي تفاجأة من شوفة عزيز قالت بقلبها" ياويلي منه الله
يستر وش بيسوي فيني.......راحت له وركبت
السياره....السلام عليكم.
عزيز: عليكم السلام...هلا هلا هلا والله بالعزيزه رنيم

رنيم وهي ترجف: هـ هـ هلا بك اخوي العزيز عزيز
عزيز: وينك تأخرتي صار لي ساعه انتظرك
رنيم: ابد طلعت المدرسه متأخره وعلى مانزلنا ولبست عباتي..
عزيز:امممم ايووووه ... مو مشكله ..خير ان شاء الله .. ياله
نروح البيت..
عزيز كان يخفي ضحكه خبيثه ... "تدرون متحلف فيها وياويلك
يارنيم ..هذا عزيز ماحد يبلش معه....

تعتقدون كيف بيكون رد عزيز لها..........
انتظروني

[طيوفه]

الروايه شكلها حلوة انا حفظتها واقراها بعد ماتكمل < ماتحب الشي متقطع
تسلم ايدينك اختي ضي القمر ولا تطولين علينا

[SQR]

قصه حلوه ولا أحلى شي سويتيه أنك حطيتيه على اجزاء ليتفاعل

مشكوووره

[مصطفى نمر]

معاك حق يا Sqr
بس ما أشوف تفاعل ..
معني حاطتها بمنتدى ثاني ..
لقيت تفاااااااااااااعل كبييييييييييييير .
أما هنا ما في تفاعل للأســــــــــف ..
طيوفه حبيبتي ..
لازم اسوي الروايه متقطعه عشان أشوف التفاعل و ياليتني شفته بعد ...

[مصطفى نمر]

سلاااااااااااااااااام كيف الحال
أتمنى كان الجزء اللي نزلته قبل عجبكم
هذا أنا نزلت الجزء الرابع من الروايه أتمنى ينال ألأعجاب

وأبغى ردود توسع الصدر عشان ما أأخر الجزء الخامس






في شركة ابو مشعل كان مشعل مع عمه ابو تركي يحاولون يتصلون في
ابو مشعل بس هو ماكان يرد عليهم وهم مستغربين لأنه ماداوم اليوم
ولا بلغهم انه ماراح يجي وكان في شغل كثير متعطل .........
واتصل مشعل على بيتهم اللي بلغته امه ان
ابوه طلع وراح لولد عمه خالد..........
مشعل: اقول عمي ماتلاحظ ان غريبه الوالد اول مره ما يجي للشركه
ولا يبلغنا؟؟؟؟؟؟
ابو تركي: هو صدق غريبه بس مادام
هو مع ولد عمك خالد اكيد في شغل بينهم مهم خلاه ما يجي...
مشعل وهو مستغرب!!!!:وش هالشغل اللي بينهم؟؟
ابو تركي: الله اعلم...وبعدين انت ووجهك خالد ولد عمك ليه
تستغرب انه يكون فيه شغل بينه وبين ابوك......
مشعل:صادق.... ياله مو مشكله بيجي يوم واعرف وش
هالشغل...
ابو تركي: اقول.....كن الجلسه والسوالف عجبتك
يالشيخ .....قم خلص الشغل اللي وراك وخلني اخلص من
شغلي..
مشعل : زييييييييييين لا تعصب كل اللي قعدته عشر دقايق ....يالله مع السلامه..
ابو تركي: مع السلامه..
.................................................. ....

كانت قاعده تلعب مع بنت اخوها حبيبة قلبه رغد... وتذكرت
الموقف اللي صار لها في الحوش .... وكيف كان شكله متغير
والتعب والارهاق باينين عليه والسهر اللي طبع هالات سود تحت
عيونه.... وش اللي متعب حاله ومسوي فيه كذا... آآآآآآآآآآه ياليتني اعرف ...
كانت مرام تفكر بحال ولد عمها
وحبيب قلبها خالد ...
وقطع عليها حبل افكارها صوت ساره اللي دخلت...........
ساره: اللي ماخذ عقلك......
مرام:خلي يكون في احد اساسا بعدين قولي اللي ماخذ عقلي.. وياحبيبتي محد مأخوووووذ عقله
بهالبيت غيرك من كثر ماتفكرين
برووووميو"مشااااااري"
ساره تطلق تنهيده من قلبها: آآآآآآآآآآآآآآآآآآآآآآآآآه....ياعمري على مشاري..يابعد
طوايف طوايف طوايف اهلي...ياجعل عيني ما تبكيه..جعل يومي
قبل يومه....
قاطعتها مرام: بس..بس خلاااااص ماصارت كل هذا حب
لمشاري......الله يعين هالقلب اللي عندك....
ساره وهي تاشر بايدها على قلب مرام وتقول: والله اذا القطعه المركبه
هنا وكلها تجاويف سكنها شخص ... بتسوين اللي سويته
واكثر ....ياماما..
وراحت ساره عن مرام وهي تبتسم حاسه ان قلب مرام مشغول بس
بمين ما تدري

وقعدت مرام وتقول في قلبها ياريتك تدرين ياساره ان هالقطعه سكنه
واحد من زمان ولا راح يسكنه احد غيره لين
امووووت...."احبه.. احبه.. ااااااااه ياخالد"
...............................................
كأني نسيت اثنين بينهم شبه معركه"داحس والغبراء" نسيت عزيز
ورنيم.......ياعمري عليك يارنيم ....
عزيز يعرف ان رنيم تخاف من البحر ويجيها دوار اذا راحت له فقال
عزيز فرصه
عشان يأدبها ويخليها تحرم انها تمزح معه زي مزحها اللي اليوم....
وهم ماشين كان الطريق غير اللي يودي للبيت.......
رنيم:عزيز....وين بنروح ماهو ذا طريق البيت؟؟؟
عزيز وفيه الضحكه:ادري..بس بغير الطريق ابي امر محل باخذ منه اغراض قريب من هنا..
رنيم بعدم تصديق: ايوووووواه
عزيز يناظرها بنظره خبيثه من طرف عينه اللي مغطيعا بنظارته
الشمسيه..وراسم ابتسامه صغبره على فمه..
قرات رنيم لوحه بالطريق مكتوب عليها اتجاهين"الخبر,جسر الملك
فهد"
ونظرات تعجب من رنيم وتتلفت يمين ويسار قلبها يقول في شيء
بيصير......
رنيم: عزيز ...... وين رايحين ؟؟وليه رايح للخبر؟؟؟
عزيز: ابي اتمشى معك حراااااام....
رنيم؟؟؟؟؟؟؟؟؟؟
عزيز: وش فيك؟
رنيم : ابد سلامتك.....
فجأه وبدون مقدمات بدأت رنيم تصاااااااارخ........










رنيم: لا لا لاااااااااااااااااااا......عزييييييييييييييييييييي يييز الله يخليك الا هالشيء




















عزيز وهو ميت ضحك: : هـههههههههههههههااااااااااااي....
وش فيك..عادي بنتمشى على الجسر شوي......
طبعا عزيز راح للجسر ومشى لحد ماصار بوسط البحر .......
رنيم هنا خلاااااص بدات تحس بدوار وصداع وغثياااااااان وصرخت
بقوه:عزيييييييييز وقف السياره....
عزيز وقف بسرعه ويكلمها بقرف: زجع لا لا لااااااا....لحظه انزلي
الا سيارتي ياويلك.........
رجع عزيز ورنيم بعده للبيت بسرعه وكانت رنيم مرررررره تعبانه صحيح
كسرة خاطر اخوها بس هو يقول معليه تستاهل عشان تتأدب مره
ثانيه.......

اتمنى يعجبكم هالجزء بس معليه تحملو البدايه بس في اشياء تعور القلب
بتصير
انتظروني
وتقبلو تحياتي

[$ ضي القمر $]

آآآآآآآآآآآآآآسفه صار خطأ مطبعي ..
دخلت بإسم مصطفى نمر ..
أنا ضي القمر ..
سوووووووووري

[سوسيت]

الله يعطيك العافيه شكلها قصة مرره وااااااااااو


تقبلي مروري وتحياتي

[شمس العمر]

روايه رائعه
الله يعطيك العافيه

[mohammed-2010]

روايه رائعه
الله يعطيك العافيه