ابو مازن وسيارتة العجيبة (صورة)][ابو الزير ][

[سامي الشمري]

ابو مازن وسيارته العجيبة
ومن خلال مشاهداتنا اليوميه صادفنا في الطريق
سيارة عجيبه يقودها شاب اكتشفنا فيما بعد انه سعودي وقد كتب رقمه على " رفرف " السيارة اتصلنا عليه
استوقفناه على جانب الطريق وتجاذبنا اطراف الحديث معه وصحبنا معه الى " الحوش " الذي يتواجد فيه
وذلك لاجراء مقابله مصغره وتصوير هذه السيارة ولكن حديثنا معه كان ذو شجون والان اترككم مع ابومازن
http://www.5aial.com/upload/uploading/abu_maz001.jpg


في البدايه اخوي ابومازن ياليت تحدثنا عن فكره السيارة ؟
اول شي اخوي خلني اعلمك انا طبيعتي احب البر وبعد احب الشغل واحب احبرش
كان الوالد عنده ماطور هواء صغير للبيت وقمت اخذه من الوالد اذا طلعت للبر واحطه في سيارتي الخاصه
واطلع للعاذريه وافتح الشنطه واعبي هواء للناس وعلى اقبال لكن على خفيف قمت بعدها اخذت هايلوكس
حقت واحد من الشباب قلت بشوف الشغله تنفع والا لا واخذتها وحطيت ماطور هواء وركبت ماطور كهرباء
صغير ، وقمت اشتغل ولكن في عز الشغل الوالد الله يحفظه تعب ورقد المستشفى وتركت الشغله علشان الوالد
واكون بجواره ولكن خلال الفتره الثلاث شهور اللي كنت مع الوالد كنت ادور سياره غماره احط فيها العده كلها
ولقيت هالونيت واخذته وزينته زي ماتشوف والحين مشت اموري ولله الحمد

http://www.5aial.com/upload/uploading/abu_maz002.jpg

الفكره من هالسياره ؟
الفكره من السياره هو تقديم اسعافات اوليه سريعه للمتعطلين في البر من بنشر هواء او رقعه كفر
وكذلك عندنا زيت مكينه وزيون دبابات وغيرها من الاشياء المتوفره

http://www.5aial.com/upload/uploading/abu_maz003.jpg

ممكن تشرح لنا كيف تم تجهيز هذه السياره ؟
اول شي هالسياره لقيتها في الصناعيه وشريتها من واحد سوري بحوالي 1500 ريال سعودي بعدها قمت
اصلح عليها واغير قطع من كلبيليتر و .... وغيرها من القطع الين ماهداها الله وضبطت معي وحطيت لها
انوار وبواري ..


http://www.5aial.com/upload/uploading/abu_maz004.jpg

وماهي المنتوجات المعروضه للبيع عندك ؟
عندي الله يسلمك حنيني وبليله وعندي حطب " اللي للايجار " وعندي غاز ومواطور هواء وماطور كهرباء
وعندي روقات خيام 2×3م وعندي بعد رقعه للكفرات وزيوت ومجهز بالسياره اربع توانك مويه واربع جرات مويه للشرب .
http://www.5aial.com/upload/uploading/abu_maz005.jpg


طيب تقدر تمشي بالسياره في الطرقات بشكل عادي او تجد مضايقات ؟
والله يعني لكن ما اعتبرها ماضايقات بينما هي بقصد الحرص على الامن وهذا شي طبيعي
عندك التفاتيش مثلا دايم يوقفوني وينخلون السياره ويستغربون منها ولكن هذا عادي وتعودت
لان الامن اهم شي ، ولهم الحق والله يكون بعونهم بالعكس بعضهم تعود علي وصاروا يعرفوني
وبعضهم يشكرني ويمدح فيني على هالعمل الطيب http://www.5aial.com/upload/uploading/abu_maz006.jpg

ماهي اماكن تواجدك الدائمه ؟
والله اغلب الاحيان اكون في العاذريه ، وعندك المخيمات الدعويه عند استاد الملك فهد وفي الثمامه وروضة خريم والخفس
يتصلون علي الشباب الله يجزاهم خير وانا اجيهم بعدتي هناك انفعهم . وانفع الزوار واستنفع انا بعد .
http://www.5aial.com/upload/uploading/abu_maz007.jpg

أجل حطب للأيجار


http://www.5aial.com/upload/uploading/abu_maz008.jpg

لاحظوا معي مكتوب ماء عادي ،،، ماء ملفتر والمصيبه انه كلهم يصبون من نفس التانكي


http://www.5aial.com/upload/uploading/abu_maz009.jpg

دش اوربت


][][][][][][][ منقول ][][][][][][][




تحياتوووووووو

[الجوووري]

شنو هذا ابو الزير هذي سياره ولا سوبر ماركت

تسلم على الموضوع

تحياااتي;)


الجووريheart2

[سامي الشمري]

والله مدري هي سيارة ولا سوبر ماركت..














لا سوبر ماركت ؟؟؟؟...



لا سيارة بس انا متأكد انها سوبر ماركت..


طيب ليش مانسميها ....




carmarket?????





شكرااا على مرورك يالجووري..





تحياتوووووو

[ابوجيلان]

والله ان هذا المصرقع

ابومازن العجيب وسيارته العجيبه

بس هذا بالبر تحطه على يمناك


تسلم يمناك ياأبا الزير

[عسل]

السلام عليكم

يسلمووو ابو الزير
انت قاهرك ماء عادى ومفلتر وكلهم من نفس التانكى

انا اللى قاهرنى حطب للايجار كيف تجى ذى ؟:confused: :confused:
هو زين بس لو يغسلها بــ15 ريال يكون افضل والله
يقول اخذته وزينته زي ماتشوف اجل قبل لا يزينه وش يكون ؟؟؟
ما اقول الا الله يوفقه ويسهل امره ويشفى الوالد

اختك عـــ،،،ـــوله

[ابوراكان]

اقول تصلح بالردف بالطائف بقاله متحركه واحسن شي دش اوربت
يعطيك العافيه ابو الزير

[سامي الشمري]

اشكركم على مروركم ..


وياقرينديزر حنا بالخدمة اطلب اي شي نسرقه

ونجيبوة..

وياعسوله :عادي فيه حطب للايجار .. بس مدري كيف طريقتها ..


يابو راكان لو عندك هالبقالة ... انت تمشي بالشوارع ولا لا ؟؟؟

[عبدالله اليامي]

يلعن ابو هلاين


هذا شغل واحد فاضي


يعطيك الف عافيه ابا الزير


==========ادخل على الله


تحياتي

[سامي الشمري]

ولكم المولع99..


تحياتووووووووووووو...’’...,,,