[poem=font=",6,white,bold,normal" bkcolor="black" bkimage="" border="solid,3,crimson" type=2 line=0 align=center use=ex num="0,black""]
حبة خشم معها على الخد بوسه=للي بنى قصر المحبه والأشواق
في وسط قلبي ماتغيّر جلوسه=الروح ترخص لجل عينه وتنساق[/poem]

[align=center]التاريخ[/align]

[poem=font=",6,white,bold,normal" bkcolor="black" bkimage="" border="solid,3,crimson" type=2 line=0 align=center use=ex num="0,black""]
ياقاسي القلب ليه الهجر ياقاسي=غلاي سهمه نزل والا خضر لونه[/poem]


[align=center]التاريخ[/align]

[poem=font=",6,white,bold,normal" bkcolor="black" bkimage="" border="solid,4,crimson" type=2 line=0 align=center use=ex num="0,black""]
الشعر في غير ساره طايح ٍ سوقه=وان جبت فيه اسم ساره تصعد اسعاره
ماهي على الزين بين الغيد مسبوقه=الناس في زينها بالوصف محتاره
من شافها ماسلمْ وان تل معلوقه=من خلته مركب العشاق مازاره
وليّا مشت مشيها ماهيب مطفوقه=ماهي من اللي حكاية شارع الحاره
وانا على غيرها مااحب معشوقه=ضحية العشق كله من سبب ساره[/poem]

زاوية خصرك

[poem=font=",6,white,bold,normal" bkcolor="black" bkimage="" border="solid,2,tomato" type=2 line=0 align=center use=ex num="0,black""]


شطبت غيرك على قمة غلا وابني=ابني مساحات قلبي كلها قصرك
عندي قناعه ياغيرك مايناسبني=من شفت عينك وحنيّة زاوية خصرك
مواكب الشوق في حبك تواكبني=مسيرة العشق من طولك إلى قصرك
الملح بالماء يذوب وُيامذوبني=ارفق علي وان رفضت الرفق بي بصرك
كلّي حلالك تفرحني تعذبني=اهم حاجه معي في عالمي حصرك
سافر بلاصد بعدنّْي وقربّني=تبّعدك عنّي مسافاتك وانا اختصرك
النيل في مصْر شرّْبْ وانت شربني =ضامي مواصلك خذني نيّلك وُمصرك
اكتب بكْ الشعر فيك الشعر يكتبنّي=نصري على الشعر وانت اللي علي نصرك[/poem]



[poem=font=",5,white,bold,normal" bkcolor="black" bkimage="" border="solid,4,crimson" type=0 line=0 align=center use=ex num="0,black""]
لاتردني واطلب الله لايعاقبني=اجّْمعك توت وُمذاقه حلو واعصرك[/poem]

التاريخ

[poem=font=",6,white,bold,normal" bkcolor="black" bkimage="" border="solid,4,crimson" type=2 line=0 align=center use=ex num="0,black""]
اصير لك طفل الحجاره .. واخر .. احداث العـراق=فـدوه لعينـك .. والعـواذل خيّـب الله سـدهـا

والزحمه اللي ماتسبب .. لي .. متاهه .. واختناق=مـالـد بـالـي يمـهـا والشايـفـه مالـدهـا

لعبة مطافيـق الحـواري مالهـا عنـدي سيـاق=الناقصـه فـي دنيتـي مهمـا حصـل ماعدهـا

انتي تعالي .. واسكني .. داخل .. خفوقي بانطلاق=اللـي علـى خبـرك (مواثيـق الغـلا) ماهدهـا

الغيد في خـارج نطاقـي وانتـي اللـي بالنطـاق=النفس في غيرك حشي يابنت محد ٍ .. شدهـا

يايوسفيه في جمالك فاق حسنك .. فـاق .. فـاق=علـى بنـات آدم وحــواء ماتـواجـه نـدهـا

مسلوبة العاتق نحرها .. كنّه .. الصبـح انفـلاق=ممسوحة السرجوف .. ناحل .. خصرها .. ماضدها

ماهي معاقه وان مشت تمشي مثل مشـي المعـاق=لادبرت .. مـوج البحـر .. كنّـه يبـاري قدهـا

طرقا .. ليان ٍ .. عودها .. طارف ملامسها رّْقاق=كن البروق اللي تكاشـف فـي جوانـب خدهـا

ريميـة ٍ .. ماتلتفـت (لاهـل) التلفـق والنفـاق=هي حدي اللي ماتعداها .. وانـا اللـي .. حدهـا

أخفي غلاها عن حسود ٍ .. لاسمع طرياي ضاق=يمـوت ماحقـق مُنـاه ورغبـتـي .. مـاردهـا

لعيونها طفل الحجاره .. صرت .. واحداث العراق=بعض الوشاه .. اللي تحـاول خيّـب الله سدهـا[/poem]

[poem=font=",6,white,bold,normal" bkcolor="black" bkimage="" border="solid,4,firebrick" type=2 line=0 align=center use=ex num="0,black""]
القلب حن وحـام قرنـاس ذكـراك=بالذاكره .. مامر .. مخلوق غيـرك
ملواح حبـك كـل ماحـل طريـاك=خلف المحاني مادعى غير طيـرك
بدعت فيك الشعر والصوت غنـاك=عزفت لحن وفيه جيت استجيـرك
وين انت ياللي عدّني من ضحاياك=وينك قبل موتي تحاسب ضميـرك
جيتك غلا .. ولاحريب الغلا .. جاك=سترة نجاتي بين شـرك وخيـرك
سجات فكري فيك وُيبلّـه اهـواك=واحس نسناس الطبيعـه عبيـرك
مشاعري يمـك وُترفـض تعـداك=تحمل وطن بسمك وشعبك واميرك
والقلب موتـه كـل ماحـل ذكـراك=يرفض يطاوع في هوى شخص غيرك [/poem]

[poem=font=",6,white,bold,normal" bkcolor="black" bkimage="" border="solid,4,firebrick" type=2 line=0 align=center use=ex num="0,black""]
صاحب الموضوع جنبْنّا نقاشه=المباني من بناها ماهدمّها
الذكي يفهم لها من خِلّف شاشه=الغبي من خِلّفْ شاشه مافهمّها
داخل البستان طيرتْ الفراشه=الفراشه ماقواها من هجمّها
قبل شوف العين للقلب انتعاشه=بانت الرايه ورفرف ليّ علمّها
المطر هتان يامحلا رشاشه=لاح برق ٍ وسّْمْ ودهوُريْ وُسمّها
ناش قلبي من ورى الاضلاع ناشه=الجسور اللي على القلب أقتحمها
بحر جده مالها في حد طاشه=الخليج اخر محطات ألّقلمّها
الحذر مطلوب مافيني دباشه=ماحلا الفرصه على اللي يغْتنمّها
النجاشي لودرابي مع نجاشه=لودرابي ساق ذيبه في غنمها
والذكي ماطافته من خلف شاشه=والغبي يقعد وعمّره مافهمها[/poem]

[poem=font=",6,white,bold,normal" bkcolor="black" bkimage="" border="solid,2,orangered" type=2 line=0 align=center use=ex num="0,black""]
ياشبيه الريـم ياساكـن سكاكـا=يابعد منهو عدو ٍ لـي سكنّهـا
ابتسم وعيـون عذالـي تباكـا=نيّتي لك صافيـه محـد ٍ دكنّهـا
أخذ كره الغيـر فينـي ماخذاكـا=شخصك اللي ماخذ الروح وُمكنّها
مرحبا واقلط على قلبـي تراكـا=دلتك بالصدر ماغيـرك ركنّهـا
جل من بالحسن والهيبه عطاكـا=لو ماخاف الله وصوفك قلت كنّها
شاعرّْك مادق في اصله شراكـا=الحـروف اليعربيـه مالكنّـهـا[/poem]

[poem=font=",6,white,bold,normal" bkcolor="black" bkimage="" border="solid,4,firebrick" type=2 line=0 align=center use=ex num="0,black""]
اكتب الأبيات في قسم الصخب=والصخب قسمه لعب فيني لعب
لعب هزازي وهو بالمنتخب=كم حارس داخله منّه رعب
[/poem]
[align=center]
التاريخ
[/align]