الفقر فالبُعد عن رب الخلايق ، و السنين تمرّ والأحلام كومه ، والله إني كل ماصلّيت رايق ، لو تشحّ بمالها بنوك الحكومه ..!! |
مجهود جميل وجدته بالصدفة باليوتيوب الله يجزاه خير اللي قام فيه و ممتن له كثير !
.. http://www.youtube.com/watch?v=nV1lPUbZDYQ |
واحد وفي بالغلا يدنيك ، يكفيك عن حظك الشاقي ، أحيان صملة بشر تغنيك ، عن ألف واحد من الباقي ..!! |
لايكثر الهرج قصّرها وأنا خيّك ، وأحذر من أوهام عمرك لاتجي صوبي ، ياكثرهم قبل أشوفك بالزمن زيّك ، ماطيّحوا لي مكان وحافظ أسلوبي |
لو يضيق الكون ياوسع المحاني ، داخلي بيت و جعلت الصبر سقفه ، كثّر الله خير من صدّ و نساني ، صرت أوقّف ما أبي للناس وقفه .. |
بيتن كتبته من الوجدان ، مسموح للي قرأ يذيعه ، لا تزرع الحلم وسط إنسان ، ترجع بعد فترة تبيعه ..!! |
يا رب وإن باروا الغالين ، و أرخصني الناس بالشدّة ، أرزقني الصبر فوقه لِين ، لين أقنع القلب بالصدّة .. |
مشيت و آخر دروبي كان يشعل حريق و كانت خطاوي سنيني تشبهن جامحه .. كان بيميني فريق و في يساري فريق .. و ناس تنفض يديها .. لمقتلي طامحه مشهد حقيقه يخوّف و لعيوني بريق .. نفسي من الناس كلّه طابت و سامحه لمحت شخص و ذكرته كان يشكي غريق ... شلته و غلطة خفوقي ( الله يسامحه ) !! كان أكثر اللي يبي طعني و رمحه زريق ... و أنا أسأل سنين عمري وين أنا لامحه ؟! و تركت عقبي قناعة يوم ضاق الطريق ... كم من خطأ زاد شرّه و السبب دامحه .. أقدمت يمّ الحريق و ثار فيني حريق ... ( و أياة واحد خذلني ماني مسامحه ) ..!! |
شف أنا لا أخطيت يالمحبوب قلّي ، لا تخلّيني أنا ماني بكامل ، نصّ أخطاء المحبة بالتغلّي ، و نصّها الثاني بجاملني و أجامل ..!! |
أكتب عن جروح وقتك قدّ ماتقدر
.. ولآ تحسب إني عن اللي تكتبه سالي !! تركتني للغياب الموحش الأقشر ! .. و تركتك لـ ( غلطة التفريط بأمثالي ) !! |
من يعيف وصالي لوصاله أعيف ، و الحظيظ اللي من الدنيا سِلم ، الضعيف يفسّر سكوتي ضعيف ، و الحليم يقول يا ( حلو الحلم ) ..!! |
الأوادم تختلف مثل البضايع ، لا تقيس الناس في مقياس غيرك ، حتى لو قالوا لك إن فلان ضايع ، حاول إنك تجرفه في موج خيرك ..!! |
تدري وش يوجعني وأبكي عليه ، ماترك للضحك في قلبي محل ؟! شارع بـ دربي غصب عني أجيه ، كان به غالي و لكنّه رحل ..!! |
لأ لاتضيق بسبّتي ، آمرني شفني في يديك ، بالفصحى أيضاً لك غلا ، تبغاني أكتب ماعليك ، ( أتوقع أن محبتي ، فاقت محبة والديك ) ..!! |
لا تخدعك كل المظاهر و الأزوال ، محد مسح لي دمعتي غير كُمّي ، و الحرمة اللي تنوزن بألف رجّال ، محد يعارضني لياقلت أُمّي ..!! |
تذكر اللي لازعل قلبك يجيك ، كل نكتة بايخة لـ رضاك جابه ، لأجل تضحك راح كله يفتديك ، لو زمانه غارسٍ بالصدر نابه ليلة البارح تعب قلبه يبيك ، كان ينادي بس مامرّيت بابه ، مات حلمه قبل لايشره عليك ، صان حبك ماشتم قلبك و عابه كان فعلاً يعشقك قلبه هليك ، في غرامك مات ماقلبٍ درى به ، كان ضايق حيل و يوصّي عليك ، قال خلّي طيّب و دنياه غابه !! |
أسلم وسلّم جعل الأفراح فالك ، حبيت اجدد لك من الشوق تجديد ، أبسألك ياعلّ يبقى وصالك ، وش حيلة اللي مستلم ليلة العيد ؟! |
ياعيال الفقر وياعيال الملوك ، لايقصّر آدمي في شايبه ، قبل ترحل أمك و يرحل أبوك ، و تصبح الشمس بعيونك غايبه |
علّمني الجرح يوم تشيله متوني ، عن هقوة الروح شاريها و بايعها ، ياكثر الأرقام فعلاً في تليفوني ، وياقلّ ناسٍ تجمّلها طبايعها !! |
مابقى مجداف من عمري ذخرته ، كل ماجدّفت خوّن بي و طاح ، كم طموح بزحمة الدنيا خسرته ، قلت ياقلب الشقى وشلون راح ؟ |
أنا أتحدّى تجيب لي أي مخلوق ، حتى ولو هو يمتلك قلب حاني ، كانه دخل في تجربة حب أو شوق ، و لا طلع منها جريح و يعاني ..!! |
صبرن صبرته في غرامك من سنين ،
يثبت لك أن الحب ماهو تسلّي ، لو صبري كان بــ عسكرية ميادين ، أعطوني دورة صاعقة مع مظلّي |
لا يدخل العيد يالضايق ، إلا و روّقت لي المنقا ، وفّر من الضيق للعايق ، للموت / للحزن / للفرقا ..!! |
القلب من كثر الشعر بالشعر ضاق ، والله يعينك كل م أشتاق شاعر ، أبغالي ( جمعية خيرية للأشواق ) ، من شان أعطيها زكاة المشاعر !! |
خذ الكلام ولو يقولون قاسي ، يوم المشاعر صوتها صار مسموع ، بكره إذا حطّوا اللبن فوق راسي ، ماهو بيشرّفني عليّ تذرف دموع !! |
يا أغسطس وأنت لو صادفت ذكرى ، كانت الذكرى قبل تدخل قتيله ، مرّ فيني كل مابتمرّ بكرا ، منت لاقي غير دمعاتي حصيله !! |
كنا غلابى حب وأيضاً مساكين ، والكذب ماهو بالمحبين لايق ، كانت جميع أحلام عمري على الطين ، لأن حارتي ماكان فيها حدايق !! |
*
* خلّ عنك الذكريات .. ولآ تحنّ .. .... الحنين .. تموت ما وكـــّـــلك عيش !! * * |
*
* عاندت بك ناس و عزيزين و قراب ، و فتحت لك ذاتي وأنا أحب ذاتي ، واليوم وادعني ولاتحسب حساب ، أنا قبل لا أخسرك خاسر حياتي ..!! * * |
*
* أنا أرى أن منزل لم ينعم أهله بوجود فتاة بين جدرانه و في حياة أهله اليومية ، منزل لم تكتمل له أفراح الحياة و لذتها ..! كمايجب !! * * |
* * ناس مليانه محانيها سواد ، حيل واقعها مع العالم مخيف !! لو درت فيهم مكافحة الفساد ، كان عاقبهم معاليها ( الشريف ) ..!! * * |
الحنين إحساس والمحبوب ميت ،
حيّ لكن لأكثر سنيني جحد ، حاول إنك ماتحنّ ولو بغيت ، حنّ ولكن لا تعلم به أحد ..!! |
قلت أوادع دامه الإحساس مات ،
و رحت منّك مثل ماجيتك خليّ ، طاح قدرك و أرخصت عندي الحياة ، يوم شفتك قاعد تساوم عليّ ..!! |
حتى من أعطيته من الودّ مايكفي ..
لا تستغرب أن يجرحك ذات مساء و يرحل ، لاشيء نستطيع الرهان عليه .. هذه الأيام ..!! |
خذ مني الحكمة مدامك معي حيّ ،
يبي يجي لي ليلة أكون مدفون ، الناس تمدح خوّتك لابغت شيّ ، و نادر تحصّل من خذوا شيّ يوفون ..!! |
يا أهل اللحى وأهل العمايم بالإطلاق ، سنّي و شيعي وإنتهازي و عاهر ، أنا مواطن بسأل وخاطري ضاق ، هل هو حلال لموطني ( مال ساهر ) ؟! |
علّمتني دنيتي أشياء كثير ، و الدموع لضيقة الخاطر غطا ، الوفا مو عيب يالقلب الكسير ، ( و إنتظار اللي رحل ماهو خطأ ) !! |
لا تزعل إلياخذلك اللي تحب و جفا ، خلك على كل صدّة للحبايب صبور ، ولاترصد إلا أفا للي يعرفك أفا ، ياكيف ذيك الصداقة يازماني تبور ؟؟ |
عادي نذوق المذلّة و الألم ، يازمان الصمت واقعنا حقير ، و الدليل أن الغني ياما سلم ، و ماتطيح إلا على رأس الفقير !! |
جرحٍ بصدري لو نقله الجبل لان ،
وأنا بأقوله قبل لاتقول لي ليه ؟! أنا تعوّدت أفتقد كل إنسان ، أحسّسه بإني أحبه و أغليه !! |
الساعة الآن 06:39 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.