تغريدات - -@aldlaihy Twitter
الـعـرب طـورهــم الـشـيـخ التـويـتـر
واصبحوا في عولمه واكثر جراءه الكتـابـه هـاجــرت سـطــر الدفـيـتـر والـطـفـولـه مـاتـصـادقـهـا الــبـــراءه |
الوقت هذا وقت متعب وغالب * واشوف نفسي فيه غالب ومتعب
|
غاب الضمير وشعب غزه على النار
في وضع غزه مات بند المساعي نصف العرب بالوصف صفارة انذار ماتمنع الهجمه ولاهي دفاعي |
الوقت طبعه يقلب الطاوله قلب
ماخيّرك مابين ميله وعدله والعشق تبقى صفحته توجع القلب مع شخص ماهو لك ولا انت إبعدله |
العرب من ماضي الوقت دايم في خلاف * لوثبات الحق واضح مثل شمس وقمر
والا انا وان عارضوني ولي فعلٍ يشاف * عارضوا قبلي محمد وابوبكر وعمر |
،،،،،،،،،،،،
|
الشاعر يستخدم الشعر لكشف المقبول سلبا وإيجابا عما حققه في مسيرة حياته
|
تـعـال سـولـف لــي عـلـى جـلـسـة كـنــب * عيني في عينك وانت سولف واسمعك
امـــدلـــك وتـــمـــد لــــــي خــــــوخ وعـــنـــب * حـتـى الكـنـب يـغـار مــن وضـعـي مـعـك |
احترم بعض الاحيان الكراسي لو على وضعها دون الأوادم
بعض الاحيان فاضي فوق فاضـي واحترامـي يقـدم للكراسـي مــن تنـحـا مقـفـي مايـوصـف بالتواصـيـف فــي ممـشـاه قــادم واختلاف الأصابع ماجهلته شي حاصل وانـا ماشـاب راسـي |
تراك بافعالك تحدد مقامك
وتلقى التعامل حسب مافيه قدمت وليااحترمت الناس زاد احترامك ولياشمتّْ الناس يرجع لك الشمت |
العين باب وروس الاهداب شباك * والقلب منزل وانت لك فيه غرفه
|
لو الزمن يرجع ورى بس عامين * حطيت في روس النوايف بيارق واعلن تهاني فرحت القلب والعين * واعلن نهاية وقت كل المفارق |
اعطاك ياسوريا نصف العرب ركبه * والنصف الاخر يحاول ماهو بْقادر
وبشار طاغي وحط الشعب في نكبه * والغرب ماقال لاوارد ولا صادر |
يافيافي نجد طش السحب واسم * وشاعرك مايعلن الا فيك فوزه
له مواكب شيخ واقامة مراسم * والبيارق بالميادين معزوزه مايبين التين في كل المواسم * والبحر ماتنحصى جملة كنوزه ماعبس وجه القصيد وفيك باسم * والكلام الجزل ماغابوا رموزه |
يابحر الكرم يطلع علينا القمر ويغيب * لكن انت لامن غبت مابنت بالمره
ابرسل وراك اللي يقص الأثر ويجيب * يتابعك واكبر واحد يقص بالمره |
جده تبوك وقبل تبوك جده * وجده قبل تبوك نذكر غرقها
وامر الولي لاصار محدٍ يرده * لكن مشاريع الوطن من سرقها |
الشعرالتقليدي:هو الذي يسلك نهجاً مكرراً و معروفاً وأكثر الصور به تمثل البيئه البدويه الغير متكلفه
الشعرالغيرتقليدي:هوالذي يتميّز بالمفردة المفهومه في تركيبة الأبيات على معنى صائب وواقعي والمتوافق عليها من كافة المجتمعات من جيل إلى جيل |
الشعر: يمثل لغة قائله التي يستمدها من وعيه دون تغير القناعات ومجرد تلبية لأخراج حاجه ملحه داخل قائله دون ان يستمد مشروعية مايقوله
|
كلٍ يرى نفسه رفيع المستوى
والمستوى في نسبته على حسب كم واحدٍ منصب وراسه مااستوى لافضلوا روس الاوادم بالنسب |
القمر روعه لياحل الظلام وانت بين الناس في روعة قمر في جمالك تعجز حروف الكلام حالتك بالزين حاله ماتمر |
ودعتها مثل توديع السعودية ليوم الخميس
اعطيتها للأبد عطلة نهار السبت طول الزمن |
احسب اوباما من كبار المشايخ
مير اوباما كاشفٍ بُعده وقربه الخطاب اللي تكلم فيه بايخ اتضح ماهو موجه فيه ضربه والعرب مابين متسنّدر ودايخ والأسد في سوريا شغال حربه |
عندي على بعض العلاقات تشطيب
بعض اصدقاي اللي تغيّر شطبته ومن لا حسبني في كبار المواجيب طال الزمن والا قصر ماحسبته |
ضو القمر جذاب لْمسامر الليل
والقلب عنده سر ذكرى قديمه حفظتها عن ناشر القال والقيل غلفتها بالقلب لعيون ريمه |
يكفي الراتب ولا يكفي الراتب
يقضي الحاجه ولايقضي الحاجه قصة الراوي على ذمة الكاتب اتفرج واحسن المخرج اخراجه والعتب مالي عتب وانت يامعاتب لاتعتب وانت بالوجه ماتواجه |
المشاعر تندفع لك صادقه واحساسي
شوفتك قدام عيني مابعدها راحه يابعد راسي رسمتك في بواطن راسي قفل باب القلب غيرك ماخذى مفتاحه |
عارف التقليد بانواع الذهب والخالص
امتطي عرفي ودايم بالأوادم بخصي كاشف اصحاب الثقه واللي كلامه مالص اتفحص قبل اصادق بالملف الشخصي |
ياهل الترزّز خفّوا شوي خفّوا
كلٍ على عين المصور حضوره احياء هياكل والمبادي توفّوا ظهوركم عفناه في كل صوره |
لي صديقٍ له سواتٍ ماتسوى
فيني اهل العرف ماسوو سواته العلاقه معه تضعف وُتقوى بين جز ومد في وده وهاته له ثمان ايام ووعوده تلوى كل ماحددت له ميعاد فاته |
لعيونك النصر ناصرته وشجعته
وانا فريقي ماهو بالاصل نصراوي وصادمّتْ من صادمك يانصر ووجعته اصبحت قصة زمان وصرت لك راوي |
من مدرسة راس النميمة تخرج
يحمل شهادة صنف شذب العراقيب بْظهور خلق الله مسوي مدرج طيارة لْسانه ماتقلع على الطيب |
ليتني يازين لانامت عيوني
كل ماصحصحت مالقى غير زولك |
انا عليك بْخاطري ماخذ شوي
ماهو زعل لكن عليك اتشره صامت ولا علمت والسالفه هي هجرك معي مرات ماهوب مره |
يالأيفون حمّلت فيك البرامج
كل البرامج فيك جتني على الوقت على الأدب نهجي ولاصرت سامج لاانساق غيري بالمتاهات مانسقت معك اندمجت وُلا مع الناس دامج فيك ابتكرت اهداف واهداف حققت |
انا عليك بْخاطري ماخذ شوي
ماهو زعل لكن عليك اتشره صامت ولا علمت والسالفه هي هجرك معي مرات ماهوب مره |
في تويتر عارض الناس في موضوع تافه
وانت تلقى لك جماهير في ابسط طريقه خالف وحالف على شي مامخلوق شافه تصبح الكذبه عظيمه وتقرب للحقيقه |
مد لي يامنعش القلب في يمناك شاهي
خل اصابع كف يمناك في كفي تْلامس الحلا والملح في وجهك الجذاب راهي وانتثار الليل الاسود على الامتان طامس |
والله انّي كل مارحت عن حضرت جنابك
جابني لك سايق الود مع صدق المشاعر انت قصر ٍ للمحبه وانا للقصر بابك من ورى نبض المعاليق لك مشتاق شاعر |
تمر الايام وانت الغايب الحاضر
هذا حضوري غيابك فيه سجلته تعال واقرب محاجر عيني وناظر النوم في حزته من شانك اجلته |
مشكور ياتويتر على العام والخاص
ماشفت ناس وناس بالعين بانوا نزلّت ياتويتر لنا بعض الاشخاص اشخاص كانوا عندنا فوق كانوا |
الساعة الآن 10:51 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.