منتديات الرائدية - ابسال غازي القصيبي عن الاوضاع والتقرير !!

ابسال غازي القصيبي عن الاوضاع والتقرير

على حسبة حسابي واعتقاداتي بعلم الغير
ومن نظرة رجل ثاقب وله نظره بدائيه

ابسال غازي القصيبي عن الاوضاع والتقرير
وعن حيلة رجل غيري شهاداته ثناويه

اذا راتبك باالخمسين وماتبغى بعد تسيير
اجل لاتعارض اللي مايبي راتبه خمس اميه

اذا والله خواتٍ لي تبي ممشاهم التجرير
لاتشره عاالواعجي يوم سن سيفه وحانيه

سعوديه سعوديه فخر كل بنت لكن مير
بتبطي ماتذل وحده وهي اصلا سعوديه

والاياصيدلي جيتك ابي منك درازن (نير )
مثل ذيك الذي شالت ( شورابها ) بلانيه

ياغازي ماخبرت الفيل له جنحان وقام يطير
ولاحتى سلوقي جد جدي ذاك ولاذيه

بقومها على راسك وراس اللي يقول ابعير
وانا ماني رجل اقشر وصافي بصغر النيه

مؤيد للملك وحده ولاني مأيد آل زعير
على الشاشه اذا شفتك تجي جسمي حساسيه

على بالك شعب نجدٍ مثل ياصاحبي كشمير؟
كبيره / لاقسم الا غدت شبهه جنائيه

اذا بترضى على اختك تخم الحوش واخر بير
وتغسل بس صحن واحد ولي بتقول عاديه

اجل اسمح لي عند البل ابي منك تكب شعير
وتوصل ناقة الشايب بنظاره رماديه

مدام المشكله صارت بعينك حلها التشهيير
ابي منك تسلم لي على الهاتف وراعيه

انا جوالي مقفل وجاني مبلغ التوفير
سالت الهاتف ورده علي ارسوم اضافيه

وسلم لي على الشرطه ونجدتنا سلام اكثير
وخل الهند عند الهند وخل جاوا اندنوسيه

وانا مابي سوى منك تجاوب والسؤال اصغير
من اللي خلا هاالحصه تصير ارسوم وفنيه؟

اذا في حكمتك تقصد تسوي فيها شي اكبير
ترانا نعرف اللعبه واذا كانت سياسيه

( وقًد أًمًنَتٌ بُك ربُي على القُراَنُ والتٌفُسًيرَ)

(ولٌكُن قد بلُت رَوًحُيٌ ولٌكُ ربٌيُ رَجًائُيٌه )

( وُحًانَتُ سٌكُرًة الٌمُوتًِ وحٌانُت سَاعًة التٌبُريًر)

(وقَدً جُاٌئتٌ تًرى الاذنٌابً تكٌتبً كُلً مٌاضًيَه)

انا مانيب لك عبدٍ تحاسبني على التقصير
وانا ماجيت لك معرس ابي شرهه وعانيه

مواطنٍ صالح وفالح وله علمٍ بعلم الغير
ومن نظرة رجل ثاقب وله نظره بدائيه

بغيت اوصل الموضوع لك ياريس التحرير
وابعرف حيلة اللي ضاع والسبه ثناويه ؟؟

:101: :101: :101: :101: :101: :101: :101: :101:

[blink] منقول للشاعر الكبير/فهد الهاجري[/blink]

:101: :101: :101: :101: :101: :101: :101: :101: