&&& الصيف جا كلن يبي سجت البال&&&
 

السلام عليكم ورحمة الله وبركاته

هذه القصيده كتبتها ,, , قبل زواج اثنين من أخواني ,, وأكيد الزواج يبيله شغل وترتيب بيت وأغراض وأشغال كلن يعرفها ,,, وفوق الأشغال ,,, زادت الهموم ,, وتهيض الهاجس وكتبت القصيده

( أقول وعمر القارئين يطول )

[poem=font="Simplified Arabic,6,,bold,normal" bkcolor="transparent" bkimage="http://www.alraidiah.com/vb/images/toolbox/backgrounds/17.gif" border="none,4," type=1 line=1 align=center use=ex num="0,black"]
الصيف جا كلٍ يبي سجة البال=وكلٍ يدور له مكانٍ يجيله
والعرس قرب مابقى عشرة ليال=عفسه على بيتين من سب ليله
البيت الأول رابطوا فيه عمال=وبيتٍ على راسي لزومٍ أشيله
يالله ياربي عسى ترحم الحال=الشغل واجد مالنا فيه حيله
أحب أكون مسافر ودوم رحال=وعندي خوي(ن) ما أدور بديله
والموتر اللي يامنه كل رجال=في شنطته عزبه وعودٍ وهيله
ياوجد حالي لاظهر عرق وجبال=ولاحدر في وسط وادي بسيله
والله ودي ياعرب بالتجَوال=لكن ظروف الوقت ماهي قليله
ودي أزور ديار ربعي والأخوال=اللي لفعل الجود يمنى طويله
وودي أشوف ديار خلي والأطلال=بس المسافه تمنع إني أجيله
ودي بأشياءٍ كثيره ولا أحتال=والشغل واجد مالنا فيه حيله[/poem]
وسلامتكم جميع ,,, تحياتي

أخوكم /
محمد بن زميع

محمد بن زميع

مر حبااااابك من جديد

ومرحبا بجديدك هنا

والله يعين اللي ماعنده اجا زه

بس كلنا ودنا نسا فر والصيف حرررررر

صح قلبك وعلى شا نك

كن بخير

صح لسانك يابن زميع ومشكور علا القصيدة

هـــلا وغـــلا

مـــحـــمد بـــن زميــــع

صــــح لــــسانكــ ملـــيـــون

والله يعطيك العـــافيه ..

صح لسانك يابن زميع والله يعينك على المشاغل ....

حضور رائع وان شاء الله القادم أحلى ...


:: تقبل فائق الاحترام والتقدير ::



Thank You All

محمد بن زميع

صح لسانك

قصيدة جميله

لاهنت

وتقبل مني كل الحب والاحترااااااااااااااااام