الله يجازي من يبي لي .. مضرًه ..
 

الله يجازي من يبي لي .. مضرًه ..
...................... يسعى / لجرحي .. دون ايًة سبايب ..!

لا بارك الله من بلاني .. بشرًه ..!
...................... ادمح / خطاه .. وصار لي كالنشايب ..!

يلومني .. ويسبٍني .. ويْتِشرًه ..
...................... ويقول لي .. وش فيك نلت التعايب ..!!.؟؟

ياضيقتي .. بالله وش هو يسرًه ..
...................... ماهزته .. فيني .. كثير المصايب ...؟؟

كم قلت / باني / ناوين ماامرًه ..!
...................... لكني اخشى .. في كثير / الطلايب ..!

شف مكسبي من حلو الايام .. مرًه
...................... هذا حصادي .. بالزمن .. والكسايب ..!

ماقد خبرت اني / على فعل / ذرًه ..
...................... تستوجب اني / ماشين / لنكايب ....

لكني / ارضى / في مسار المجره ..
....................... واني / حمدت الله / عظيم الوهايب ...

والجمره .. اللي من لمسها .. توره
........................ الله جعلها بْيَدٍ موسى / قضايب ..!

الله .. له الحكمه .. ويعرف مقره
........................ طوعي .. لامره .. والامر من طايب ..!

والله يحيي نفس .. من لا تغره ...!
........................ مايستفز القلب / عند العجـــايب ...!

والنفس / ما تلقى / عن الله / مفره ...!
......................... ملجاه له ... في حين / وقت الحسايب
.
.

قصيدة تدور بنا في فلك الابداع والامتاع
صح لسانك صح لسانك

[align=center]صح لسانك يا ابو مطر ,,
تنفست عبير الرقه بين الكلمات
ابدع قلمك يا صاحب الاحساس في المعاني
في السكنات والنبضات
ماعسي اقول امام احرفك
وقلمك الجبار يجبرني علي الصمت
تقبل مروري البسيط في محيطك
تحياتي وتقديري واحترامي لك[/align]

صح لسانك يابو مطر

دائما ابياتك لها نكهه خاصه ومذاق رائع

لله درك اشبعتنا شعر

رغم ان القصيده اتت نتيجة موقف حدث للشاعر من خلاله تفجرت هذه الابيات الا انها جزله وفيها حكم جليله


شكرا لك

صح بدنك

ابو بدر

لاهنت على المرور
والاقتباس

صح الله الساااااانك وعلاااااشاااانك

وبيض الله وجهك يالواااافي

ابدعت ولا يستغرب منك الابداع فانت له وهو لك

استمتعت كثيرا بمبنى ومعنى رااااائع

لاعدمنااااااك جووووود ووجووووود


تقبل جل اااااحترااااامي وتقديري

صح بدنك
والله لايهينك

كلامك على الراس ... الله لا يهينك
.
.
مشكور
.
.