منتديات الرائدية - .. لو للغلا .. نظره .. بعيده .. ودستور ..

بسم الله الرحمن الرحيم ..

..

السلام عليكم ورحمة الله وبركاته ..

..

لو .. كلمه .. لا احبها .. ولكنك اجبرتني ..
..
على نطقها ..

..

..

لــو للــغــلا .. نــظــره بـعــيــده ودسـتــور
.................... مــا كــان أعـانـي .. لــوعـة الحـب ويـاك

ولــو للـغـلا .. عـقـل وأحـاسـيـس وشـعـور
.................... ما كان صـدري .. يـشـتـكـي حــر فـرقـاك

ولو للـغـلا ذمــه .. تــحـده عـلـى الـشــور
.................... ما كـان وقـتـي .. يـوجـعـه غــدر يـمـنـاك

يا اللـي نـسـيـت .. ان الـزمـن دايـم يــدور
.................... لا بد يجي يوم(ن) .. وتـحـصـد خـطـايـاك

للـهــم صــدر .. وللـجـــرح طــب دكــتــور
.................... ولليل عيـن .. تـسـامــره مـن سـوايــاك

الضـيـق مـثـل الـحـب .. لاصـرت مــغـدور
.................... من واحـد(ن) .. قـفـى ولا فـاد شـكـواك

تعال قرب .. واسمـع الـصـوت مـحـشــور
.................... عيا يطيـع .. حـبـال صـوتـي ويـشـنـاك

في داخي شوق(ن) .. عن الناس مستور
.................... يـفــز لا مـن شـفـت .. أطـرف هـدايـاك

الدمـع لـو يـنـزل .. عـلـى الـخـد مـعـذور
.................... طبعي وفي .. وابـكـي اذا جـات ذكـراك

ماهـي علـى كـيفي .. اذا رحـت مـجـبـور
.................... يـم المـكـان .. الـلـي نـكـرتـه وجـافـاك

رغم الخيانه .. وخاطر(ن) منك مكسور
.................... ما أقول انا وقلـبي .. كـرهـنا وعفنـاك

الله يـقـويـنـي .. ولا ابــات مـقـهــور
.................... والله يـقـويـنـي .. عـلـى جـور دنيـاك

ياللي مشيت .. ولا تبي بـينـنا جـســور
.................... وش السبب .. قلي وانا اقول بأنساك

..

..

..

1/11/2009 ( الأحد )

الساعه 1:00 صباحاً

..

..

محبكم

..

..

عبدالعزيز الوادي ..