ياعين ياعين وايش اللي تصبينه
 

[poem=font=",6,,normal,normal" bkcolor="transparent" bkimage="" border="ridge,4," type=2 line=0 align=center use=ex num="0,black""]
ياعين ياعين وايش اللي تصبينه = طعمه ملاح ومروره يحرق بخدي
باسلي الروح قبل الموت يازينه = الصدر ضايق وكل شي واقف ضدي
ماجور ياللي شكة من دمعته عينه =الله يعينك على النكران والصدي
الطيب طيب وبعض احيان ياشينه=لصار ماله مكان ايبيح السدي
بعض الاوادم يدون لك عناوينه=ويقول لا حدتك الايام قف عندي
وليا بداء لازمك يا وينك وينه =اتقول الارض ابلعته اقصير المدي
هذا الردي جعل والله تقصر اسنينه=وقت الرخاء صوته المقرود ممتدي
انشهد انه ضعيف اثقيل الطينه =ادروبه العوج تاقف به على الحدي
الطيب يبين بعلمه نياشينه=درب الوفاء مسلكه ومعرب الجدي
الضيف لاجاه يطرب له ويالينه=من قبل ترحيبته ماجوبه يبدي
عند المواجيب ما هي تقصر ايمينه =يشري السمينه ولو به زايد العدي
وليا نخيته يلبي الصوت في حينه=ولا فرح جاره على فرقاه لشدي
لو كل طيب عليه الوسم باجبينه = قليل من تأجده بالناس متردي
الي على الطيب واللي حافظ دينه=يبشر بها عند رب الكون والعبدي
الي شرنا بوقت العسر شارينه = واللي يبي غيرها ببلاش منهدي[/poem]