مفاتيـح روحـي عندهـا واستحلتـهـا
مفاتيح روحي
[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] سلامي على اللي مالهـا جـاري الأرسـال=ولا البحـث والتخزيـن والحفـظ خبرتهـا ولا القائمه والضغـط نجمـه وُفتـح اقفـال=ولاكــل مجمـوعـة تفـنـن بنغمتـهـا ولاشيّكتْ دقـه ودقـه تبـي تحتـال =بطاقـة سـوى حتـى تعبـي شريحتـهـا ولاعسعست في باص الاجره اقفـاي اقبـال=لياعـودت كــلٍ بثـرهـا وساقتـهـا ولاكـل صالـة حفـل تذكـر مـع الأزوال=ولاوصفـو صبحيّـة الحفـل رقصتـهـا ولاحطت الكُورنيش عقـب العصـر مدهـال=وهنود المطاعم ماعرفـوا بـاب شقتهـا ولاهي من اللـي تلتفـت لحظـة المدخـال=علـى أكتافهـا ماطـاح طـارف عبايتهـا ولاهي من اللي لو حشيمه في حـال وُحـال=ليا مر سواق الشبـح هـز حشمتهـا ولاصادقـت بالجامعـه مشـغـلات الـبـال =ولا أستار أكاديمي تعرضـه بْغرفتهـا ولافرطت بلسانها بين قيـل وقـال= وراها خراب ابيـوت وافـراق سبتهـا ابوهـا يـدوّر سترهـا ماطمـع بالمـال=يقلـل مهرهـا مايتاجـر بصفقتـهـا ابوهـا عزيز القـوم والأم بنـت رجــال=على طاعـة الله مـن صغـر يـوم ربتهـا واخوها سنافـي قـرم مايشبـه التمثـال=عيونـه وراهـا دونهـا لجـل سمعتـهـا ولاترتخـي يمنـاه فـي صبـة الفنـجـال=يصـون الـدلال الصفـر ويجيـد صبتهـا كريـم وُشجـاع وُسيرتـه سيـرة الأبطـال=دروبٍ تهينـه مايقـرب إلّْحفْتهـا وهي حبها بالقلب كان وبعد مـازال=زرع ربـي المعـبـود فيـنـي محبتـهـا عفيفه جميله تعجز بوصفها الأمثال=اصيلـه عريبـة سـاس مصـدر قبيلتهـا أهذري بها واسبابها راح راح الحـال=مفاتيـح روحـي عندهـا واستحلتـهـا أمر المكان اللي وجـوده مـن الترحـال =مداهيل كـان وكـان وايـام شوفتهـا أحاول اخفي مير دمعي ليا مـن سـال=يجـدد بـي الأحـزان وتميـل كفتـهـا تمـرالسنيـن ويطلـع هـلال بعـد هـلال=ومن المستحيـل تعـود والصعـب رجعتهـا تعرفون ليه أقول ترجع علي مْحال=لأن التـراب اليـوم مـن فـوق جثتـهـا[/poem] |
الساعة الآن 11:50 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.