ريش النمل
 

السلام عليكم ورحمة الله وبركاته
للتواصل بعد انقطاع عساها تنال رضاكم
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مجهود روس(ن) يوفّي ياهل العرف روس= والله يجمّلك ياراس(ن) بعرفه جمل
تبقى عقول النشاما وافيات الهجوس= ولا يبدل هقاويها هدير الزمل
فعل(ن) يقيّم مقامات الرجال ويقوس= مثل الذهب منجمه مابين حيد ورمل
وان كان سلّمت قوس الراي برّاي قوس=ان شار شور(ن) كمل وان قال حق(ن) صمل
واللي عماد الجزالة في دماه امغروس= مبداه لا شانت الخطّر يلمّ الشمل
وإلاّ حزام الرخا يزهى بزين اللبوس= لكن لا جات صعبات المواقف همل
قوت(ن)يوقّي ضروس(ن)مايوقّي ضروس=واللي يغدي دجاجة ما يعشي جمل
الله ما اضعف مناوي غاويات النفوس=من مشيها في الدروب الخاطية ماتمل
حتى ولو جات في درب المراجل تدوس=مصيرها نيّة(ن) مايتّبعها عمل
ولا تحقق هدفها والمسار امعكوس=واللي يخالف مسير الناس ماله أمل
احيان نفس(ن)زعولة تحت وجه(ن)عبوس=واحيان نفس(ن)صبورة فوق مايحتمل
في الحالتين افلست من فهم كل الدروس= حصيلها كل يوم(ن)درس مايكتمل
تحمل ختوم الرياسة من قبل لا تروس=والتّيه يقضي عليها مثل ريش النمل
واللحية اللي نهايتها على حد موس=يرمى بها في مهب الريح رمي الهمل
[/poem]
[/poem]

يعطيكــ العااافية ...

وصح لساااانكـ ...

تسلم يمينك



وصح لسانك



قصيدة راااائعه

شكرا لهذا المرور الكريم
صح بدنك

سبك وحبك
رائع


صح لسانك
يالحارثي

ولاهنت

الراهي
الله يعافيك ويبارك فيك
شكرا لمرورك صح بدنك

المبدع


حسن الحارثي



صح الله لساانك



على هذا النص الشامخ



شاعر جزل ومبدع ولاهو غريب الابداع عليك



لاهنت ياحسن على هذا البوح الراقي



لك الود والتقدير