فلاح خليف البويتل واخوانه ؟انا مذنب !!
 

بدون مقدمات

رجال ونعم الرجال
من غير قاصر بالجميع

[poem=font=",7,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] إن كان مدح أهل الوفاء ذنب ياذيب=والله ماحولي عن الذنب توبه
مدح الرجال اللي بعيده عن العيب=شيٍ ورثته ورث لو عذربوبه
أسكر مع بيوته ليا جيت وأغيب=وياسرع مشراقه وما أبعد غروبه
أفخر بمدح أهل السيوف المحاديب=أهل الكرم والطيب في كل نوبه
تاريخهم منحوت في جبهة الطيب=والمجد كله فالدهر شلعوبه
قلوبهم نبع الصفاء ما بها ريب=وكلٍ على وضح النقاء رحبو به
ساس الفخر والمدح رتبه وترتيب=من البويتل بيت عز وعروبه
من العنوز مخلصين المطاليب=تاريخهم ما فيه شي يشوبه
يدينهم بالدين دايم مقاضيب=وما فيه خيرٍ للبشر ما سعوبه
فلاح راع الأوله والمواجيب=اللي هل المعروف دوم اشهدوبه
أبن خليف اللي ورد للمشاريب=ياكثر منهم فالظروف أعتزوبه
وأخوانه اللي فوق روس المراقيب=وادي وهادي كل عز(ن) رقوبه
واحدهم إليا جيت جالك بتقريب=كنه يبي يعطيك قلبه وثوبه
تشهد مواقفهم علوم الاجانيب=تاريخهم كل الأودام قروبه
هذا بعض نبع الغلاء يالاصاحيب=يقولها ماجد بصدق وعذوبه
[/poem]

يستاهلون البويتل
وصح لسانك

يستااهلون البويتل عائله خلووقه ومحترمه ,,

صح لساانك ,,

صح لسانك يا ماجد

وسلمت عدد حروف قصيدتك

ونعم بالمادح والممدوح

صح لسانك ياماجد على القصيده وعلى المشاعر النبيله الطيبه والجزله الغير مستغربه على رجل من رجال هل الهيلا عتيبه المعروف عنهم الاخلاص والمروه والطيبه ورد الجميل

والممدوح يستاهل المدح بكل تاكيد واسرة البويتل معروف عنها الطيب والكرم والجود والشجاعه وكل مقومات الرجوله تجدها فيهم ادامهم الله وحفظهم
وشهادتي فيهم مجروحه بحكم قربي لهم فهم يستحقون معلقات من القصيد ولاتفي بحقهم

اشكرك وتقبل مروري

صح لسانك


والى الامام



.

صح لسانك شاعرنا الرائع ابومنيف
ويستاهلون المدح عيال وايل

..

ماجد اشكرك على مشاعرك الطيبه ..

والمدح لا لفانا من امثالك نوماس يالغالي ..

واشكر كل من مر من هنا .. على طيب كلامكم ..

:
: