منتديات الرائدية

يامعطيٍ كل المواعيد كذاب
تقول تفزع وانت مامنك فزعه

راحت مواعيدك على حفة الباب
ماشفت بك نبض اندفاعه ونزعه

مافيه في بنك المراجل لك حساب
وصفك مثل بعض التناتيف قزعه

في مختر تحليل معدنك نصاب
قطعة نسيجك في روايات خزعه

ماسوق لك بالسلم شرهه ولاعتاب
لاصار مالك مع هل الجود وزعه

وان غاب نجمك ما افقده كل ماغاب
ممشاه في عرض الفضاء فيه هزعه

مرباك حر ومذهبك مذهب غراب
هذا الصحيح وماعن الحق جزعه