حبك تعدى حب الاكراد لأربيل &&& الاّ تعدى حب شمر لحايل
لايومي بيوم ٍ ولا ليلي بليل::::::::::ولا السّعد مقبل ولا الهم زايل ماغير ازم هموم واحط واشيل:::::::::ولاراح منها هم جاله بدايل تدرون يالعربان وشهي البهاذيل:::::::::فرقى وليف وحظ مامن صمايل الوصل نعمه والمفارق غرابيل:::::::::ياحظ ليتك تعتدل ماتمايل لامن بغيت اعدّلك ترجع تميل::::::::::كنّك تقول اعيش واموت مايل والمهرة اللي ماتعيّن مع الخيل:::::::::من دونها تقصر جميع الأصايل من دونها ضاعت عقول الحلاحيل::::::::::وتضاربت فيها سلوم القبايل ياشيب عيني يوم قفّت وانا اخيل::::::::::دموعها وبلٍ على الخد سايل وانا اتصبّر وازهم العقل والحيل::::::::::والقلب يشكي للضلوع النحايل اصبر مثل صبر الرجال المشاكيل::::::::::واخبّي جروح الزمن واتحايل لن الردي والهيس وخبل الرجاجيل::::::::::تفرح لا وراني الزمان الهوايل وانا اترفع واترك القال والقيل:::::::::::واجبر عزى قلبٍ على الموت آيل أشب نار الشوق وارهي المعاميل::::::::::واريّح اعصابي ببدع المثايل ولاّ الغلا ماعاد يحتاج تفصيل::::::::::::لنّه موريني نجوم القوايل ياللي غيابك حط بالقلب تنكيل::::::::::::ويلي على قربك ولاني بطايل لاغاب صوتك ماتفيد المراسيل:::::::::::وفر على الجوال كثر الرسايل والله لو تاخذ لدمي تحاليل:::::::::::::تلقاك بالجينات صايل وجايل حبك تعدى حب الاكراد لأربيل:::::::::::::الاّ تعدى حب شمر لحايل صبيت حبك مثل صب الفناجيل::::::::::::وين الجليله تشرب اشواق وايل وانته تواعدني من اسهيل لسهيل:::::::::::والشوق في قلبي مسوي عمايل ليتك تبادلني الغلا والمواصيل:::::::::::وترد لي بعض الوفا والجمايل تعبت من قولة ظروف وعراقيل:::::::::::وتعبت من قولة ياقل الوسايل لاقلت انا احبك ومشتاق بالحيل::::::::::::تقول لي جعل العوض فالموبايل يعني انا وياك مثل المهابيل:::::::::::::واشباهنا فالوقت هذا قلايل كذاب من قال المحبه تساهيل:::::::::::::راحو ضحيتها عيال الحمايل مما قرأت وأعجبتني ,,,,,,,,,, ارجوأن تحوز على رضاكم للشاعر:محمد فهد العرجاني.. |
صح لسانك وتقبل مروراتي |
صح لسان شاعرها وتسلم يمينك عالقصيده الروووعه |
.
. اقتباس:
رووووعة ومميزة .. رآقتني جداً .. سلمت ..~ . . |
http://www.alraidiah.com/vb/uploaded/mals3.gif
روووووووووعه سلمت على هالنقل http://www.alraidiah.com/vb/uploaded/mals4.gif |
ليتك تبادلني الغلا والمواصيل:::::::::::وترد لي بعض الوفا والجمايل
تعبت من قولة ظروف وعراقيل:::::::::::وتعبت من قولة ياقل الوسايل لاقلت انا احبك ومشتاق بالحيل::::::::::::تقول لي جعل العوض فالموبايل لا هنت ع النقل المميز تقبل مروري ,, |
صح لسـآآن آلشـآإعر وتسلم يمينكَ إختيـآآر رآآئع .. عوآإفي ,, حبك تعدى حب الاكراد لأربيل:::::::::::::الاّ تعدى حب شمر لحايل بصرآحه مره آعجبتني رآقيه ..~ |
الله يعطيك العافية .. تسلم . بارك الله فيك .. |
تشرفت بمروركم العطر ..
محبتي وتقديري .. أزكى التحايا وأعذبها .. |
سلمت على هذا النقل المميز
|
الساعة الآن 12:16 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.