منتديات الرائدية - علاج للقرحه

لقيت علاج للقرحه دواء للي معه قرحه
لقيته والاطباء مالقيته عندهم مذكور

يقوله واحدٍ منها تعالج وانبرى جرحه
نصيحه واسأل مجرب بها لاتسأل الدكتور

علاجٍ فادني وابمدحه للناس واقترحه
تراه الوصفه اللي كنها عقب الظلام النور

تجنب عن وجيهٍ بالمجالس مابها مرحه
مشاهدها يجيب الفقر والصده فرح وسرور

ولاهي بالعدد قسمه ولا زايد ولاطرحه
ولاعفواً يجي منها ولامنها يجي مشكور

مفارقها سوات العيد في يومه وفي فرحه
عساها للفناء والا حياةٍ دربها بحدور